Filemoni 1:14 - Tokelauan New Testament

¹⁴ Kae ko au e hē fofou ke fakamālohia koe ke fehoahoani mai ki a te au; kae e lelei lava te fai e koe i tō loto malie. Ko te mea ia ka hē kō faia lele ai he mea, vaganā e malie koe ki ei.

Filemoni 1:14 Iomraidhean Croise

1 Kolinito 9:17

Anei taku gāluega na fai i toku lava loto malie, e fakamoemoe au ko au e totogi; kae e kō faia ona ko he tiute kua tōfia ai au e te Atua.

1 Kolinito 9:7

Ko ai ni fitafita e totogi lava e ki lātou nā mea e ola ai ma nā mea e fakaaogā e ki lātou? Ko ai ni faifatoaga e hē kakai lele ki ni vine mai o lātou lava tōvine? Ko ai ni leoleomāmoe e hē ki lātou fakaaogā nā huāhuhu mai a lātou lava māmoe?

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

2 Kolinito 9:5

Ko te mea ia na manatu ai au, e tatau ke fakamālohi ki nā hoa a kaukauna iēnei ke muamua atu ki lātou ia te au, ke ao fakato e ki lātou te meaalofa tupe e vē ona folafola e koutou. E pa atu la au kua uma te ao, ma ka kitea ai i kinā, ko te koutou fōaki, na fai ma te loto malie kae hē ona ko koutou na fakamālohia ke fai.

2 Kolinito 9:7

E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.