Filemoni 1:10 - Tokelauan New Testament

¹⁰ Ko au la e talohaga atu ki a te koe e uiga ki a Onehimahi, ko he ataliki ki a te au e ala ia Keliho; auā na kavea au e vē ko he tamana ki a te ia, ka koi i loto au o te falepuipui.

Filemoni 1:10 Iomraidhean Croise

Maleko 9:17

Kua tali mai he tamāloa i te kaifenua ki a Iehu, “Te Faiakoga, ko au na hau oi kaumai toku ataliki ki a te koe ona e ulufia e he agaga kino ma hē mafai ke tautala.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

1 Kolinito 4:14

Ko au e hē tuhi vēnei atu ke fakamahiahi koutou, kae ke fakatonu atu koutou nā fānau e pele ia te au.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

Kolohe 4:9

E o atu fakatahi ki lāua ma Onehimahi te uho fakapelepele ma te fakamāoni, ma ko hētahi foki lava o koutou. Ka fakailoa atu e ki lāua nā mea uma e tutupu i kinei.

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:11

I he taimi kua teka atu, nae hēai hona aogā ki a te koe, kae i te taimi nei, kua aogā lele ia mo koe ma au.

Filemoni 1:13

Ko au nae fofou ke nonofo ki māua i kinei ka koi i te falepuipui ai au ona ko te Tala Lelei, kae ke kavea ai ma ō hui, ke fehoahoani mai ki a te au.

3 Ioane 1:4

E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.