Wahyu 7:2 - En Taar Weru a nunuwu' é Tontemboan

² Wo kaséréanku ka'i awéan esa malaékat walina mapaturu' mai in owak a mico em paantanganai i yéndo. Si malaékat itu maali-ali in ségél asi Amang Kasuruan owo si menonou. Wo si malaékat itu kumua in taangko' a sé epat malaékat sé winéano kawasa en luméwo' ing katanaan wo in ta'sic,

Wahyu 7:2 Iomraidhean Croise

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

2 Korintus 1:22

wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

Efesus 1:13

Taniitu ka'i camu tou ra'ica Yahudi sé lumingao in sususuien wutul i Amang Kasuruan, siituo en Abar Kaaruien si mengawéé ing kalowiran ai camu. Wo an tutuw iow maémano a si Kristus, tinerimao miow e Roh Le'nas si aijanji-Na tanu tuus kamu imamualio tou-Na.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

Ibrani 12:22

Taan kamu mayo asi Tolaina in Sion, si Yerusalem an sorga si kota paento'an i Amang Kasuruan si menonou wo sé mariwu-riwu malaékat sé mali'us i masalé-salé'.

Wahyu 1:3

Pakakamangen sia si maca i nunuwuun i Amang Kasuruan anio' wo séra sé luminga wo mengaéma' sé aipatic an surat anio', ampa'paan pakasa en itu ra'io uré ka'i mamuali.

Wahyu 10:1

Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api.

Wahyu 10:4

Makanuwu' mai sé pitu erut itu, casalé'ku woo e matic sapa sé pinali- ngaku. Taan kalingaanku en suara an sorga icumua in tana'i, “Ségélen owo sapa en aicua é pitu erut itu wo ra'ipé' toro ipaticmu.”

Wahyu 16:12

Wo ituas ka'i i malaékat kaenem sé an untep im paelepanna itu an doyongan wangker makangaran Efrat, wo en dano in doyongan itu mapera akar tu'tulo en lalan é kolano sé mai a micona owo.

Wahyu 5:2

Wo kaséréanku ka'i esa malaékat makaowak enté', mengangko-ngangko' wo icuana, “Si séi em patus muka' in ségel-ségélna wo muka' ing gulungan kitap itu?”

Wahyu 8:3

Wo mai si esa malaékat walina, wo tumulung an dior im pawetaan i raragés. Sia makatimboi im patemburan in dupa si niéma' a mas owo. Sia winéan kumeli-keli kamenyan e iragés mewali-wali wo in somba-sombayang im pakasa é tou le'nas am bawo im pawetaan i raragés niéma' a mas owo si pakatulir an dior im palukutan pasiri-siriin itu.

Wahyu 9:14

Wo en suara itu kumua a si malaékat kaenem si makatimboi in terompét itu, “Wekaro mio' sé epat malaékat sé aiwa'kes an tembir in doyongan Efrat, si royongan wangker itu!”

Wahyu 9:4

Sé komong itu ka'i pinerénta ra'ica toro luméwo' in dukut, in tina-tinanem kuma'pa in tuu-tuura ing kayu ang kayo'baan, taan asalo sé tou sé an tuintung éra ra'ica wana ségél i Amang Kasuruan.