Wahyu 4:2 - En Taar Weru a nunuwu' é Tontemboan

² Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu.

Wahyu 4:2 Iomraidhean Croise

Matius 22:43

Wo wuéien ka'i i Yesus ai séra, “Sa réén taniitu, tumambisa si Daud an tutuw sia kinawasa i Roh Le'nas wo patuulenna si Kristus itu Tuangna? An tutuw itu aicua i Daud in tana'i,

Ibrani 8:1

Si penting keli asé im pakasa sé pepaarenta anio', sapaoka kita makaanu Imam Wangko' si ra'io cakua si makalukut ang kakan im palukutan pasiri-siriin i Amang Kasuruan si Mangko-wangko' an sorga.

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.

Wahyu 12:5

Wo si wéwéné itu makéré esa Toyaang tuama si merénta oka im pakasa im bangsa maké im beka' bési. Tumarépé'anke' si Toyaang itu andéten i esa malaékat wo uwitenna mangé a si Amang Kasuruan am palukutan pasiri-siriin-Na.

Wahyu 17:3

Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 19:4

Wo sé rua ngapulu' epat matu'a wo sé epat mahluk itu kumundu wo kumuru en sumiri' a si Amang Kasuruan si makalukut am palukutan pasiri-siriin. Wo icua éra, “Ulit! Irayoo mangé si Amang Kasuruan.”

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 21:10

Wo aku kinawasa i Roh i Amang Kasuruan wo iwalina am puruk ing kuntung wangker wo rangka'. Am bitu turu'na a yaku eng kota le'nas, Yerusalem weru si itumumpa mai an sorga, asi Amang Kasuruan owo.

Wahyu 21:5

Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:5

Wo asi palukutan pasiri-siriin si an unera, kinesotanai in télang ing kilat wo pakiiten in erut ing guntur melio-liondong. An dior im palukutan pasiri-siriin itu awéan pitu obor maembung, siituo sé pitu Roh i Amang Kasuruan.

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,

Wahyu 5:1

Kekawus in itu sérénku esa gulungan kitap si ang kama kakan-Na si makalukut am bawo im palukutan pasiri-siriin itu. Eng gulungan ing kitap itu pinatican waya an untep wo ang kesot, wo sinégél im pitu ségél.

Wahyu 5:13

Wo kalingaanku pakasa sé mahluk an sorga, ang kayo'baan, an darem ing kayo'baan wo an ta'sic, séra mewali-wali kumua, “Toronake' Sia si makalukut am palukutan pasiri-siriin wo torona i Toyaang i Domba, e rarayo wo in sisiri' wo iparayo-rayo wo pasiri-siriin wo ing kawasa akar ing kauré-uré.”

Wahyu 6:16

Wo icua éra a sé kuntung wo a sé watu itu, “Mapokalo mai wo tawunano mai kami wosama' kami caenep ai Sia si makalukut asi palukutan pasiri-siriin itu wo icaséip ang kae'bowan i Toyaang i Domba itu.