Wahyu 2:3 - En Taar Weru a nunuwu' é Tontemboan

³ Kailekan-Ku ka'i kamu talesen wo wendu ampa'paan i ngaran-Ku, wo kamu ra'ica mendam in la'lé.

Wahyu 2:3 Iomraidhean Croise

Markus 15:21

An tutuw itu, séra meta'up wo si esa tou makangaran Simon. Sia tou Kirene, amang i Aleksander wo si Rufus. Sia meunte-untepé' mangé ing kota Yerusalem wo leséén é suraro sia muléng in salip i Yesus.

Lukas 14:27

Si séike' si ra'ica muléng in salipna in esa wo ra'ica kumiit Yaku, sia ra'ica toro mamuali murit-Ku.

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

Lukas 21:19

Sa kamu wutu-wutul le'tek maéman a Yaku kamu makéré oka ing katouan akar ing kauré-uré.”

Lukas 5:5

Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”

Lukas 8:15

Wo en lulumbo irumongkor an tana' kemel itu, ayandé sé tou ilumingao in Taar i Amang Kasuruan wo en Taar itu wutu-wutul ayéma' éra an untep in até akar séra méé wua'na ing kale'tekkan.”

Yohanes 15:21

Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Roma 12:12

Maaru-aruio mangé kamu ang karoro'an i maarap a si Amang Kasuruan. Wo malese-leseno mangé mengasangkum ing kawenduan, wo ka'i le'tek mengasombayang.

Roma 16:12

Icuao ka'i mangé en siri'ku a si Trifena wo si Trifosa si tumawoio mai repet torona i Apo' Yesus. Wo siri'ku ka'i a si Persis si icaupusku. Sia ka'i uli-ulit tumawoio mai repet torona i Apo' Yesus.

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

Roma 8:25

Taan sa em paarapen itu ra'ipé' imamuali, en itu musti entoonta ang karapi in talesen.

1 Korintus 13:7

Sia talesen mengasaru in sapa-sapake' wo maéman an sapa-sapake', maarap an sapa-sapake', talesen mengawuléng in sapa-sapaanke'.

1 Korintus 16:16

Ampa'paan in ituo, pangilekenku ai camu, wosama' pengalingan iow sé tou tanu siitu wo ka'i a sé tou walina sé matawoi wo maselewir mewali-wali wo iséra.

2 Korintus 10:15

Kami ra'ica mengatirayo in tawoien sé niéma' é tou walina an tampa sé ra'ica aitantu ai cami. Taan paarapen ami sapaoka an tutuw em paémanen iow makaketer, makaawes ka'i kamu marayo icami ampa'paan en tinawoi ami an uner iow an sangkum im patawoian si aitantuo i Amang Kasuruan.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 4:1

Ampa'paano ing kaupusan i Amang Kasuruan, émaan ami en tawoien anio'. Ampa'paan in ituo cami ra'ica katalaan in arapan.

2 Korintus 4:16

Ampa'paan in ituo kami ra'ica mateké' en até. Mandé ka'i en owak ami makauré makalembi, taan e roh ami susur in endo pemeru-merun wo makaketerke'.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

2 Korintus 6:5

kami papangkuren, yuntep am bui, pinaémbong éra imokoi. Wo kami ra'ica mento' menawo-nawoi, sumangkum ra'ica itumekel wo ka'i ra'ica icuman.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Galatia 6:9

Anaé, tioo kita mengasuut mengéma-ngéma' sé loor. Sa imayo en témpona, kéréanta oka em buéna sa kita ra'ica mengasuut mengaéma' sé loor.

Filipi 2:16

Ang karoro'an in itu turu'o miow ka'i ai séra en Taar si mawéé ing katouan. Wo in taniitu an tutuw i Kristus maai sa, yaku ro'na tumirayo ampa'paan pakasa sé pinaraméjianku a si tawoienku ra'ica mara'i-ra'i wo sé pinala'lé-la'léanku mai awéan en torona.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Kolose 1:11

Pekiupusen ami ka'i a si Amang Kasuruan wosama' kamu keteren-Na mai ang karapi ing kawasa i rarayo wo in sisiri'-Na, wosama' an tutuw iow meta'up ing kawenduan, kamu kasake' le'tek wo talesen masaru waya in itu,

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

1 Tesalonika 2:9

Poo-poow, tantu kata'néiané' miow tambisa kami rumaméji menawo-nawoi endo wo em bengi en tumanggong ing kaperluan ang katouan ami in esa, wosama' kami ra'ica méé pamuléngen an esaan angé ai camu an tutuw ami makua in Abar Kaaruien i Amang Kasuruan ai camu.

1 Tesalonika 5:12

Poo-poow, pangileken ami ai camu wosama' pasiriin angé sé tou an uner iow sé matawoi mauli-ulit torona i Casuruan. Séra mengaakin icamu wo masina'u icamu kumiit ing kasalé'an i Casuruan.

2 Tesalonika 3:13

Wo kamu é poo-poow, tioo mengasuut mengéma-ngéma' sapa sé loor.

2 Tesalonika 3:5

Pangileken ami a si Casuruan wosama' akinen-Na mai kamu akar en até miow makailek sapaoka si Amang Kasuruan mengaupus icamu wo ka'i si Yesus Kristus mengawéé ing katalesenan ai camu.

2 Tesalonika 3:8

Kami ka'i ra'ica kawisa kuman ing kakanen é tou walina wo ra'ica winéran. Taan kami ka'i re'dem ulit matawoi endo wo em bengi wosama' kami ra'ica mamuali pamuléngen iow.

1 Timotius 4:10

Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

Ibrani 10:36

Anaé, intarépé' kamu musti malese-lesen sa meta'up ing kawenduan, wosama' kaémaan iow eng kasalé'an i Amang Kasuruan. Wo in taniitu kamu ro'na tumerima sapa sé aijanji-Na.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.

Ibrani 13:13

Ampa'paano in itu, mayoo kita mangé meta'up wo Sia ang kesot in ténda, wo mendam im paséro' é tou kaputé si pinendam-Na.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Ibrani 6:12

Wo in taniitu kamu ra'ica mangenger. Taan en casalé' ami wosama' kamu mengaandé mangé a sé tou sé tumerima in janji i Amang Kasuruan ampa'paano im paémanen wo ing katalesenan éra imaento-ento' mai in janji-Na itu.

Ibrani 6:15

Si Abraham talesen keli mangento-ngento' in janji itu mamuali, wo in taniitu kinéréanna sapa si aijanjio i Amang Kasuruan ai sia.

2 Petrus 1:6

Wo asi kapinteran iow itu musti awesan iow i makawoo kumawasa in owak. Wo asi kumawasa in owak itu musti awesan iow ka'i ing katalesenan mengasaru im baya-waya. Wo asi katalesenan mengasaru im baya-waya musti ka'i awesan iow i menonou le'tek a si Amang Kasuruan.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.