Wahyu 17:4 - En Taar Weru a nunuwu' é Tontemboan

⁴ Si wéwéné itu mekarai ing karai pares wo kaéng réindang wo pinerong i mas, im permata wo i mutiara. Eng kamana makatimboi im paelepan mas wuta sé andumoro' in léwo' wo sé karican asi kanajisanna.

Wahyu 17:4 Iomraidhean Croise

Wahyu 18:16

wo icua éra, “Icawangkur, icawangkuro eng kota wangker si mekarai ing karai lénen alus, kaéng pares, kaéng réindang matu'a, wo si pinerong i mas, permata wo i mutiara.

Wahyu 19:2

Ampa'paan Sia maakim im butul wo ra'ica marapit. Wo winéan-Nao ukuman si wéwéné sundal itu, si iluméwoo ing kayo'baan ang karapi im peri kasundalan. Wo en enda' é ata-Na aisuli'-Nao a si wéwéné sundal itu.”

Wahyu 18:12

siituo e mas, pérak, permata, mutiara, kaéng lénen alus, kaéng pares, kaéng sutra, kaéng réindang matu'a, barang-barang walina sé niéma' ang kayu mawou manam owo, sé niéma' ang gading owo, sé niéma' ang kayu sosor em bééna owo, sé niéma' an tambaga, bési wo am batu marmer owo,

Wahyu 14:8

An tutuw i malaékat kataré imangém, mai ka'i si malaékat karua. Wo icuana, “Imaterio, imaterio eng kota Babel si wangker itu! Ampa'paan pakasa im bangsa ang kayo'baan linanguo é tou Babel ampa'paan i melep in anggor kanajisanna.”

Wahyu 9:21

Séra ka'i ra'ica kiim mape'dis mengéma-ngéma' sé léwo' walina tanumai mapaté tou, mariara, mabersina wo marombit.

Wahyu 21:21

Sé sangapulu' rua papalen wangker asi kota itu niéma' asé sangapulu' rua mutiara owo, anaé esa papalen niéma' asi esa mutiara owo. Wo pakasa en lalan asi kota itu niéma' a mas tulén masélap meputé ing kaweresina ing kaca.