Wahyu 13:3 - En Taar Weru a nunuwu' é Tontemboan

³ Wo esaan asé ro'kos i binatang itu kaséréan awéan kalat im péla' si misioka makawali sia am papaté. Taan em péla' itu imasama'o. Pakasa en tou ang kayo'baan mangaya-ngaya'ka' wo kiiten éra si binatang itu.

Wahyu 13:3 Iomraidhean Croise

Lukas 2:1

Ra'ipé' uré eng ketou i Yohanes, si Kaisar Agustus méé esa perénta rumu'du' pakasa sé touna ang kakolanoan i Romawi en dumaftar i ngaran éra.

Yohanes 12:19

Wo sé tou Farisi mengkuanan si esa wo sé walina, “Kita ra'ica toro méma' sapa-sapa! Sérén, icumelio sé tou mengakiit Sia.”

Kisah Para Rasul 8:13

Si Simon masihir itu ka'i mamualio tou maéman wo nibaptis. Pakabaptisen ako, sia tatap mewali-wali wo si Filipus am bisake' en angéan i Filipus. Wo an tutuw i Simon itu suméré in tuu-tuus wo kakaya'kaan wangko' si niéma' i Filipus, sia mangaya-ngaya'ka'.

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 17:10

wo sé pitu ro'kos ituo ka'i sé pitu kolano. Lima asé kolano itu imatéo. Wo si esa ang karoro'ané' imaperénta wo si esa ka'i ra'ipé' mai. Sa sia maai ra'ica talos uré e merénta.

Wahyu 17:11

Si binatang itu indior awéano taan intarépé' ra'io wana, sia in esao si kolano kawalu. Sia esaan asé pitu kolano itu ka'i wo sia maangém am papaté.

Wahyu 17:13

Sé sangapulu' kolano itu meesa en até e méé ing kaketeran wo ing kawasa éra a si binatang itu.

Wahyu 17:17

Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.

Wahyu 17:6

Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.