Lukas 9:6 - En Taar Weru a nunuwu' é Tontemboan

⁶ Kumawus in itu sé murit i Yesus mangé an doo-roong eng kumua in Abar Kaaruien i Amang Kasuruan wo ka'i sumama' in sakit é tou am bisake' en angéan éra.

Lukas 9:6 Iomraidhean Croise

Markus 16:20

Kumawus ako in itu, sé murit i Yesus mangé am bisa-wisa wo mangé kumua in Abar Kaaruien andumoro' i Yesus Kristus, wo si Casuruan tumawoi mewali-wali wo tumawang iséra akar ro'na méma' in tuu-tuus kakaya'kaan, en tumuru' sapaoka en taar aicua éra itu ulit.

Lukas 8:1

Kekawus in itu, si Yesus mangé ang kota-kota wo an doo-roong eng kumua in Abar Kaaruien andumoro' ing kakolanoan i Amang Kasuruan. Sé sangapulu' rua murit i Yesus icumiit ang karapi-Na.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.