Lukas 9:41 - En Taar Weru a nunuwu' é Tontemboan

⁴¹ Wo icua i Yesus, “Éi camu tou ra'ica maéman wo icasélé'kowo! Akar kawisa réén Aku musti mento' ang karapi miow wo talesen mengento-ngento' akar kamu maéman a Yaku?” Wo icua i Yesus a si amang itu, “Walio mai si toyaangmu itu!”

Lukas 9:41 Iomraidhean Croise

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Matius 12:39

Taan icua i Yesus ai séra, “Kamu tou léwo' wo ra'ica le'tek anio' mangilek a Yaku méma' in esa tuus. Sé tou tanu icamu ra'ica turu'an-Ku esa tuus aluar in tuus si mamuali a si nabi Yunus.

Matius 12:45

Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré. Taniitu ka'i e mamuali a sé tou léwo' anio'.”

Matius 16:4

Sé tou léwo' wo ra'ica le'tek anio' mangilek esa tuus. Sé tou tanu icamu ra'ica turu'an-Ku in esa tuus aluar in tuus si mamuali a si nabi Yunus.” Wo itela'u i Yesus séra wo mangé.

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Matius 23:36

En ulitna icua-Ku mangé ai camu, pakasa sé andumoro' ing kaléwo'an itu pamuléngen oka é tou menonou intarépé'.”

Matius 3:7

An tutuw itu ka'i kelian tou Farisi wo Saduki mai a si Yohanes e mekibaptis. Taan aicuanake' ai séra, “Éi kamu tou léwo' kamu meputé wo si ula' rumacu-racung! Paweroten iow réén kamu ro'na icawekar an ukuman si maai sa?

Markus 10:14

Keséré in itu, icae'bow i Yesus séra wo icua-Na, “Iwayao mio' sé toyaang itu mai a Yaku. Tioo pekala-pekalaan séra, ampa'paan sé tou tanu sé ituo e makaanu ing Kakolanoan i Amang Kasuruan.

Markus 10:49

Kekawus in itu si Yesus mento' wo kumua, “Towano mai sia!” Ampa'paan in ituo towan éra si tou wola itu wo kumua ai sia, “Kete-keteren en atému, tumulungo mai, patowan i Yesus ko.”

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 8:25

Wo icua i Yesus a sé murit-Na, “Kéitu réén kamu ra'ica maéman a Yaku?” Séra mangaya-ngaya'ka' wo maindé'. Wo séra mengkuanan si esa wo si esa, “Si séi réén si Tou anio', akar en deges wo en sempa' itu kumiit im perénta-Na?”

Lukas 9:40

Pinekiupuskuo a sé murit i Guru e musér si sétang itu, taan ra'ica kawooan éra.”

Lukas 9:42

An tutuw i toyaang itu mangé rumuru a si Yesus wo iwalintuang i sétang sia an tana' wo émaanna en owak i toyaang itu mene'da-ne'dai. Taan si sétang itu rinomaan i Yesus ang karapi in depet kumesot wo si toyaang itu makala'us masama'. Kumawus in itu isarakan sumawel i Yesus si toyaang itu a si amangna.

Yohanes 14:9

Icua i Yesus a si Filipus, “Uréo keli Aku mewali-wali wo icamu, taan ko é Filipus ra'ipé' réén katuusanmu Aku? Si séike' en isuméréo Yaku, sia isuméréo si Amang-Ku. Kéitu réén ko kumua, ‘Ituru'o mai si Amang-Mu ai cami!’

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Kisah Para Rasul 13:18

Wo séra menonou an tana' kapayasan epat ngapulu' ngata'- un eng kauréna. Am bitu em peri ing katouan éra ra'ica makiit ing kasalé'an i Amang Kasuruan. Taan Sia kasake' talesen ai sera.

Kisah Para Rasul 2:40

Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

Ibrani 3:19

Intarépé' kaangéantao sapaoka sé apo-apo'ta indior ra'ica ro'na muntep asi tampa pengaenaan i Amang Kasuruan, ampa'paan séra ra'ica maéman ai Sia.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.