Lukas 9:39 - En Taar Weru a nunuwu' é Tontemboan

³⁹ An tutuw si sétang rumasuk ai sia, tumarépé'anke' sia mengangko-ngangko' wo en owakna ipawali-walintuang i sétang wo em ba'ba'na ka'i mengalewa'. Si sétang itu ra'ica mento' mengoko-ngokoi sia wo ra'ica kiim kumesot an owak i toyaangku itu.

Lukas 9:39 Iomraidhean Croise

Markus 9:18

Susur i roh léwo' itu rumasuk sia, ire'bana si toyaangku an tana' wo em ba'ba'na melewa-lewa', em baangna mengare-ngare'ket, wo en owakna mene'da-ne'dai. Pinangilekkuo a sé murit i Guru sa woo ro'na yusér éra si roh léwo' itu, taan ra'ica kawooan éra.”

Markus 9:20

Wo iwali éra mai si toyaang itu a si Yesus. An tutuw i roh léwo' suméré si Yesus, wo makala'us igo'go' i roh léwo' si toyaang itu akar si toyaang itu care'ba an tana', wo mawilé-wiléi wo em ba'ba'na melewa-lewa'.

Markus 9:26

Wo kumesoto si roh léwo' itu mengangko-ngangko' wo ipego'go-go'go'na repet si toyaang itu. Sia kaséréan tanu matéo, akar keli tou makua, “Sia imatéo!”

Lukas 4:35

Wo sia réndéren i Yesus, “Menes, kumesot ai sia ko!” Wo iwalintuang i sétang si tou itu an dior é tou keli wo sia kumesot asi tou itu taan en owak i tou itu ra'ica sapa-sapa.

Lukas 8:29

Si tou rinasuk é roh léwo' itu kumua in taniitu ampa'paan ayusér i Yesus si roh léwo' itu kumesot ai sia. Sé roh léwo' itu manaramo mengakawasa si tou itu, ampa'paan in ituo eng kama wo eng kécéi i tou itu rinanté wo pakatéiran é tou am bitu. Mandé in taniitu, kinarembusannake' e ranté itu akar sia iwali i sétang an tampa lulu in tou.

Lukas 9:38

An uner é tou keli itu, awéan esa tuama maangko' mangé a si Yesus. Icuana, “Guru, pekiupusenku, mangé woo sérén i Guru si toyaangku tuama, siake' in esa en toyaangku.

Lukas 9:40

Pinekiupuskuo a sé murit i Guru e musér si sétang itu, taan ra'ica kawooan éra.”

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Wahyu 9:11

Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.