Lukas 9:24 - En Taar Weru a nunuwu' é Tontemboan

²⁴ Ampa'paan si séike' e menonou toronake' in owakna in esa, sia ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, kéréanna oka eng katouan akar ing kauré- uré.

Lukas 9:24 Iomraidhean Croise

Matius 10:39

Si séike' e menonou asaloke' in owakna in esa, sia itu ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, sia makéré oka ing katouan akar ing kauré-uré.

Lukas 17:33

Si séike' e menonou toronake' ing katouanna in esa, sia itu ra'ica makéré ing katouan akar ing kauré-uré. Taan si séi e mengawéé ing katouanna eng kumiit Yaku, sia makéré oka ing katouan akar ing kauré-uré.

Yohanes 12:25

Taniitu ka'i wo icamu, si séike' e menonou asaloke in owakna in esa, ra'ica kéréanna eng katouan akar ing kauré-uré. Taan si séi si méé ing katouanna asi cayo'baan anio' eng kumiit Yaku, sia menonou oka akar ing kauré-uré.

Ibrani 11:35

Ampa'paan sé wéwéné awéan paémanen, akar kinéréan éra sumawel sé tou am pamalé éra sé imatéo ampa'paan tinouo sumawel. Awéan ka'i sé tou tumerima im paokoien akar imaté, taan ra'ica kiim éra iwekar am paokoien wo ra'ica tumela'u im paémanen éra. Ampa'paan émanen éra sapaoka séra touen oka sumawel wo makéré ing katouan si lébé loorai.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.