Lukas 9:20 - En Taar Weru a nunuwu' é Tontemboan

²⁰ Wo wuéien sumawel i Yesus ai séra, “Sa kiit icamu, si séi réén Aku?” Isowat i Petrus, “Si Guruo si Mesias asi Amang Kasuruan owo!”

Lukas 9:20 Iomraidhean Croise

Matius 22:42

“Sapa eng kailekan iow andumoro' i Kristus? Sia taranak i séi?” Wo isowat éra ai Sia, “Sia itu taranak i Daud.”

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 5:47

Sa kamu mengawéé in siri' a sé poo-poow iowke', sapa eng kalébéana wo em pengaémaan é tou walina? Ra'ica réén sé bangsa ra'ica makatuus si Amang Kasuruan mengaéma' ka'i in taniitu?

Markus 14:61

Taan si Yesus asaloke' imakapenes, Sia ra'ica sumowat in sapa-sapa. Wo wuéien ka'i i imam wangko' ai Sia, “Icoo réén si Mesias, si Toyaang i parayo-rayo ami?”

Markus 8:29

Wo wuéien-Na ai séra, “Taan sa iciit icamu si séi réén Aku?” Isowat i Petrus, “Si Guruo si Mesias!”

Lukas 22:67

An tutuw i Yesus a Mahkamah Agama wo icua éra ai Sia, “Icua mai ai cami, wutul réén Ko anio' Mesias?” Isowat i Yesus, “Mandé icua-Ku ai camu, taan ra'ica kawisa percayan iow.

Lukas 9:19

Wo isowat éra, “Awéan sé makua si Yohanes Mabaptis, awéan ka'i sé makua si nabi Elia. Wo sé walina ka'i makua esaan asé nabi indior si tumou sumawel.”

Yohanes 1:41

Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 11:27

Isowat i Marta a si Yesus, “Én é Tuang, percayanku sapaoka Ico si Mesias, Toyaang i Amang Kasuruan si aijanjio maai oka ang kayo'baan anio'.”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 4:29

“Mayoo, mangéta sérén si Tou si cumuao andumoro' im pakasa sé niéma'ku! Siao wona' si Kristus?”

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 7:41

Wo sé walina makua, “Sia anio' Mesias, Kolano Lumolowir.” Taan sé walina makua, “Ra'ica! Si Mesias ra'ica imai ang Galilea owo.

Kisah Para Rasul 17:3

Ipaterangkanna wo pawéanna tuus ai séra sapaoka si Mesias musti meta'up in okoi akar maté wo tumou sumawel an unér é tou imatéo. Icuana ka'i ai séra, “Si anioo si Yesus si aicuaku ai camu, Siao si Mesias.”

Kisah Para Rasul 8:36

Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Kisah Para Rasul 9:22

Taan em pakatawér i Saulus makaketerke' wo méma' sé tou Yahudi an Damsyik mangaya-ngaya'ka' oka ampa'paan sia méé tuus mapaké ing Kitap Le'nas sapaoka si Yesus wutu-wutul Mesias.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.