Lukas 9:12 - En Taar Weru a nunuwu' é Tontemboan

¹² An tutuw imatawio im bengi, sé sangapulu' rua murit i Yesus mai ai Sia. Icua éra, “Amang, asi tampa anio' lulu in tou, aweso taré iru'du'o sé tou keli anio' mangé mangéré kakanen wo walé loséran an doo-roong an sangkum am bia'i.”

Lukas 9:12 Iomraidhean Croise

Matius 14:13

Kelinga i Yesus en abar i Yohanes Mabaptis imatéo, wo Sia sumingkir angé tumela'u in tampa itu. Wo Sia sumaké an londéi mangé an tampa lulu in tou. Taan an tutuw kinailekan é tou keli, wo séra kumesot ang kota-kota éra wo maya' ing kécéi kumiit in lalan katanaan.

Matius 15:23

Taan si wéwéné itu wutu-wutul ra'ica niengkutan i Yesus. Wo sé murit-Na mai wo mangilek ai Sia, “Ru'du'o sia mangé, ampa'paan pengii-ngiitenna kita ang karapi imengangko-ngangko'.”

Matius 15:32

Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Lukas 9:11

Taan kinailekanke' é tou keli en tampa siningkiran angé i Yesus wo sé murit-Na wo sé tou itu mangé kumiit i Sia. Wo teriman i Yesus sé tou keli itu wo icua-Na ai séra andumoro' i Amang Kasuruan kumawasa tanu kolano wo ka'i sumama' sé tou sumakit.

Lukas 9:13

Taan icua i Yesus a sé murit-Na, “Séra musti wéan iow kanen!” Isowat é murit-Na, “Amang, awéan ai cami wayake' in lima roti wo rua sera', aluar sa icasalé' i Amang kami mangé tumeles ing kakanen em béé ai séra.”

Yohanes 6:1

Kumawus in itu, si Yesus mangé an lewet in lour Galilea si pengatuulen ka'i lour Tiberias.

Filipi 1:19

ampa'paan kailekanku sapaoka maai oka en témpona aku icesot am bui, ampa'paano im penomba-nombayang iow wo ka'i en tatawang i Roh i Yesus Kristus a yaku.