Lukas 8:6 - En Taar Weru a nunuwu' é Tontemboan

⁶ Awéan ka'i sé irumongkor an tana' wawatuan. An tutuw sé lulumbo itu itumouo, ra'ica mento' uré en lulumbo itu maperao ampa'paan tumou an tana' ra'ica wana rano.

Lukas 8:6 Iomraidhean Croise

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.

Lukas 8:5

“Awéan esa tou menganguma mangé muras in lulumbo an uma. Ang karoro'anna imawuras, awéan en lulumbo irumongkor an tembir in lalan wo linéakan é tou wo mai ro'keten é burung sé lulumbo itu akar imaka'pu.

Lukas 8:7

Wo awéan ka'i lulumbo irumongkor an tana' patowan in dukut tutunéan. Sé rukut tutunéan itu tumou mewali-wali wo in lulumbo. Makarangka'o en dukut tutunéan itu wo sumaput in tinanem itu akar ime'del.

Ibrani 3:15

En anio' tanu si aipatic ang Kitap Le'nas tana'i, “Asi endo anio', sa lingan iow en suara i Amang Kasuruan, tioo ipengaketé en até kaputé sé apo-apo' miow an tutuw éra masundur si Amang Kasuruan.”