Lukas 8:3 - En Taar Weru a nunuwu' é Tontemboan

³ Wo awéan ka'i si wéwéné makangaran Yohana penanaan i Khuza. Si Khuza anio', kikiiten mengaurus in doit i colano Herodes. Wo awéan ka'i si Susana wo keli sé wéwéné walina. Séra mengaselewir a si Yesus wo sé murit-Na mapaké ing kasiyaan éra.

Lukas 8:3 Iomraidhean Croise

Matius 14:1

Asi témpo itu, en abar andumoro' i Yesus kinalingaano i Herodes, kolano an sangkum ing Galilea.

Matius 14:3

Icua i Herodes in taniitu ampa'paan indior siao e rumu'du' tumangka' si Yohanes, ipapawa'kesna wo ipapauntepna am bui ampa'paan si Herodias penanaan i Filipus tuarina niindo i Herodes mamuali penanaanna.

Matius 14:6

Taan asi endo tuma'néi ing ketou i Herodes, si toyaang wéwéné i Herodias maéngké an dior é sakéi wo mengaarui in até i Herodes,

Matius 2:11

Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

Matius 20:8

An tutuw tawio imuntep si yéndo, icua i makauma itu a si mandorna, ‘Towano mai waya sé tou itumawoi wo wérano mio' en laasa éra, tumo'tol asé tou sosomoi mangé itumawoi akar asé tou imangé kataré-taré.’

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 26:11

Ampa'paan sé tou lengéi tatap ang karapi miow wo séra ro'na tawangen iow. Taan Aku ra'io uré mewali-wali wo icamu.

Matius 27:55

Wo am bitu ka'i kelian wéwéné sé makaséré an tayang, sérao sé wéwéné makii-kiit si Yesus tumo'tolke' mai ang Galilea owo e sumelewir Sia.

Lukas 24:10

Sé wéwéné itu si Maria tou Magdala, si Yohana, si Maria inang i Yakobus wo ka'i sé wéwéné walina sé mewali-wali wo iséra. Séra im bayao eng kumua ing kinamamualian itu a sé murit i Yesus sé patuulen ruru'du'an.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Kisah Para Rasul 13:1

An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Filipi 4:22

Pakasa in tou le'nas am bia'i, lébé-lébé ka'i séra sé an istana i Kaisar méé mai in siri' ai camu.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.