24 Wo si Yesus polon é murit-Na. Icua éra, “Guru, Guru, tawio maté kita!” Wo si Yesus mapolo, peréntan-Na en deges wo en lour itu wosama' menteng. Wo en lour itu wutu-wutul malener.
Wo sia réndéren i Yesus, “Menes, kumesot ai sia ko!” Wo iwalintuang i sétang si tou itu an dior é tou keli wo sia kumesot asi tou itu taan en owak i tou itu ra'ica sapa-sapa.
Wo si Yesus mangé tumulung an duru i wéwéné itu wo yusér-Na en sakit paso' i inang émpo i Simon wo masama'. Si wéwéné itu makala'us tumoor wo selewiranna séra.
Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”
Wo icua i Yesus a sé murit-Na, “Kéitu réén kamu ra'ica maéman a Yaku?” Séra mangaya-ngaya'ka' wo maindé'. Wo séra mengkuanan si esa wo si esa, “Si séi réén si Tou anio', akar en deges wo en sempa' itu kumiit im perénta-Na?”