Lukas 8:18 - En Taar Weru a nunuwu' é Tontemboan

¹⁸ Ampa'paano in itu, iwéé mio' sumama-sama' an dékén sapa sé lininga miow. Ampa'paan si séi e masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé pawasanna kailekannao émaan oka i Amang Kasuruan ra'io kata'néianna waya.”

Lukas 8:18 Iomraidhean Croise

Matius 13:12

Si séi si masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé kinailekannao émaan oka i Amang Kasuruan ra'io kata'néianna waya.

Matius 25:29

Anaé, sé tou ro'na patokéan in sapake' mangé, séra wéan oka lébé keli mai. Taan sé tou ra'ica toro patokéan in sapake' mangé, sapake' sé ai séra pakaindo-indon oka.

Markus 13:14

Icua i Yesus, “Sa sérén iow si tou luméwo-léwo' makatulung asi tampa ra'ica patus ai sia[Si séi e maca in anio', wéanio' rékén sumama-sama', lébé loor sé tou an Yudea musti tumincas angé ang kuntu-kuntung.]

Lukas 19:26

Isowat i tuang itu, ‘Wutu-wutul icuaku ai camu: Sé tou ro'na pengatokéan in sapake' mangé, séra wéan oka lébé keli mai. Taan sé tou ra'ica toro patokéan in sapake' mangé, sapa ka'i sé ai séra pakaindo-indon oka.

Lukas 9:44

“Lingan wo wéan rékén sumama-sama' pakasa sé icua-Ku anio': Yaku si Toyaang i Tou, isarakan oka é tou a sé tou makakawasa.”

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 17:11

Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

1 Korintus 14:37

Sa awéan tou makapendam makaanu ing kamang tatambér mamuali nabi kuma'pa tatambér walina i Roh, musti kakailekanna sapaoka sé aipaticku anio' uli-ulit perénta i Apo' Yesus.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

1 Korintus 8:2

Sa awéan tou mawerot sapaoka sia kelio eng kailekan, en ulitna sia itu keliané sé ra'ipé' kailekanna si musti kailekanna.

Filipi 3:4

En ulitna yaku ro'na mamangén asi sapa sé kaséréan. Sa awéan tou maanggap sia in esa ro'na mamangén asi sapa sé kaséréan, yakupé' en lumébémai wo isia.

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.