Lukas 8:15 - En Taar Weru a nunuwu' é Tontemboan

¹⁵ Wo en lulumbo irumongkor an tana' kemel itu, ayandé sé tou ilumingao in Taar i Amang Kasuruan wo en Taar itu wutu-wutul ayéma' éra an untep in até akar séra méé wua'na ing kale'tekkan.”

Lukas 8:15 Iomraidhean Croise

Matius 24:13

Taan sé tou le'tek makiit Yaku akar imaté séra makéré oka ing kalowiran.

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Lukas 6:45

Si tou sama' em ipanuwu'na asaloke' in andumoro' sé loor, ampa'paan an untep in aténa wuta in andumoro' sé loor. Taan si tou léwo' em ipanuwu'na asaloke' sé léwo', ampa'paan an untep in aténa wuta in andumoro' sé léwo'. Ampa'paan sapa sé ayéma' an aténa, siituo en lumembo mai am ba'ba'.”

Lukas 8:14

En lulumbo irumongkor an tana' pengatowan in dukut tutunéan, ayandé sé tou ilumingao in Taar i Amang Kasuruan, taan séra maindé-indé'ke' andumoro' ing katouan éra wo masalé'ke' menonou ang kasiyaan wo ang kaaruian asi kayo'baan anio'. Pakasa en itu méma' im paémanen éra ra'ica keter meputé wo in lulumbo ra'ica mengawéé wua'na loor.

Lukas 8:16

“Ra'ica wana tou méngkét in sosoloan wo kelewenna im bantang, kuma'pa iweta'na an darem im patekelan. Taan iweta'na am patuliran in sosoloan wosama' pakasa en tou imuntep am balé ro'na suméré in sendotna.

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

Roma 7:18

Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 8:25

Taan sa em paarapen itu ra'ipé' imamuali, en itu musti entoonta ang karapi in talesen.

1 Korintus 7:19

Ampa'paan sinunat kuma'pa ra'ica sinunat sé rua itu ra'ica penting. Em penting sia makiit im perénta i Amang Kasuruan.

Efesus 2:8

Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

Ibrani 10:36

Anaé, intarépé' kamu musti malese-lesen sa meta'up ing kawenduan, wosama' kaémaan iow eng kasalé'an i Amang Kasuruan. Wo in taniitu kamu ro'na tumerima sapa sé aijanji-Na.

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.

Yakobus 1:4

Kamu kasake' le'tek maéman tanu siitu wosama' em paémanen iow wutu-wutul makaketer wo makaleke-lekep wo ra'ica imaina' sapa-sapa.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.