Lukas 7:6 - En Taar Weru a nunuwu' é Tontemboan

⁶ Wo si Yesus mangé mewali-wali wo iséra. An tutuw Sia tawio icateka' am balé i kikiiten itu wo iru'du' na itu sé kara-karapina mangé a si Yesus, icua i perwira itu, icuao mio' in tana'i, “Tuang, nomoo makepé-kepé mai am baléku ampa'paan pawerotenku ra'ica patus aku tumerima si Tuang am baléku.

Lukas 7:6 Iomraidhean Croise

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 5:24

Wo si Yesus mangé ang karapina. Keli en tou mengii-ngiit Sia wo meréngké-réngké'an an duru-Na.

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 7:4

An tutuw éra icateka'o mangé a si Yesus, séra wutu-wutul mekiupus ai Sia wosama' tawangen-Na si kikiiten é suraro itu. Icua éra ai Sia, “Amang, si kikiiten é sangaatus suraro Romawi itu patus tawangen i Amang,

Lukas 7:5

ampa'paan sia mengaupus sé touta tou Yahudi wo sia ka'i imanguno im balé paapo'an é agama Yahudi torona ami.”

Lukas 7:7

Ampa'paano in itu aku ra'ica mangé a si Tuang, ampa'paan pawerotenku sapaoka aku ra'ica patus mai a si Tuang. Anaé, icuao mai esa nuwu'ke', tantu si ataku masama' oka.

Lukas 8:49

An tutuw i Yesus maroma'pé', mai si esa tou si am balé i Yairus owo wo kumua, “Si toyaang i tuang imatéo. Anaé, nomoo ka'i ko menusa-nusa si Guru!”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Yakobus 4:10

Ko'koso mio' en owakmu an dior i Casuruan wo irangka'-Na oka kamu.

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”