Lukas 7:42 - En Taar Weru a nunuwu' é Tontemboan

⁴² Taan en doit niiram éra in dua ra'io icawaréng, akar en doit niiram éra itu ra'io pinangilekna iwaréng sumawel. Anaé é Simon, si séi ai séra in dua en lébé mengaupus a si tou pairaman roit itu?”

Lukas 7:42 Iomraidhean Croise

Matius 18:27

Wo makala'us mai eng kaupusan i colano a si ata itu. Wo icua i colano ai sia, ‘En utangmu nomoo wéran.’

Matius 18:34

Wo si colano itu mae'bow keli a si ata itu. Wo isarakanna si ata itu a sé tou matéir im bui wo okoien éra sia akar iwaréngna waya en utangna itu.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Lukas 7:43

Isowat i Simon, “Sa werotenku, si tou miram roit keli.” Icua i Yesus ai sia, “En aicuamu itu wutul.”

Roma 3:24

Taan ampa'paano in upus aitambér i Amang Kasuruan sé tou anggapen-Na wutul an dior-Na ampa'paan eng kamesé-meséaan éra tinu'buso i Kristus Yesus.

Roma 5:6

An tutuw kita ra'ica toro méma' in sapa-sapa eng kumesot ang kawasa ing kamesé-meséaan, si Kristus imatéo asi témpo si aitantuo i Amang Kasuruan en tumu'bus ing kamesé-meséaanta sé mengaéma' ing kaléwo-léwo'an.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.