Lukas 7:40 - En Taar Weru a nunuwu' é Tontemboan

⁴⁰ Wo icua i Yesus a si Simon, “Simon, awéan en icasalé'-Ku icua ai co.” Isowat i Simon, “Icuao mai é Guru.”

Lukas 7:40 Iomraidhean Croise

Matius 26:49

Icateka' mangé séra am bitu, si Yudas makala'us rumuru mangé a si Yesus wo icuana, “Siri' é Guru!” Wo ciomenna si Yesus.

Matius 7:22

Asi endo kaka'puan ing kayo'baan, keli oka tou e matowa Yaku, ‘Kasuruan, Kasuruan, ra'ica réén ipakua ami en taar i Amang Kasuruan mapaké i ngaran-Mu, wo mausér sé sétang mapaké i ngaran-Mu, wo maéma' keli kakaya'kaan mapaké ka'i i ngaran-Mu?’

Lukas 18:18

Awéan esa tou kikiiten é tou Yahudi mamuéi a si Yesus, “Guru sama', sapa si musti émaanku e makéré ing katouan akar ing kauré-uré?”

Lukas 5:22

Taan kailekan i Yesus em pawero-weroten éra. Wo icua-Na ai séra, “Sapa réén em pemero-meroten iow an untep in até?

Lukas 5:31

Wo isowat i Yesus ai séra, “Ra'ica sé tou makaowak sama' e maperlu si dokter taan sé tou sumakit.

Lukas 6:8

Taan kailekano i Yesus em pawero-weroten éra wo icua-Na a si tou eng kamana esa mapalaio itu, “Tumooro wo tumulungo mai an uner!” Wo si tou itu tumoor wo tumulung an uner éra.

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Lukas 7:41

Icua i Yesus, “Awéan rua tou miram roit a si tou mengawéé pairaman roit. Si esa tou miram roit lima ngaatus dinar wo si esa lima ngapulu' dinar.

Yohanes 13:13

Pengatowan iow Aku ‘Guru’ wo ‘Tuang’, si patowa miow itu wutul ampa'paan Yakuo si Guru wo Tuang.

Yohanes 16:19

Kailekan i Yesus eng kasalé'an éra i mamuéi woo ai Sia, wo icua-Na ai séra, “Kamu si esa wo sé walina membum-buéian andumoro' si aicua-Ku tarépé', ‘Ra'io uré ka'i en témpona Aku ra'io kaséréan iow, wo ra'io uré ka'i Aku kaséréan oka miow.’

Yohanes 16:30

Intarépé' kailekan ami sapaoka si Guru makailek im baya-waya, wo ra'io sangali sé tou mamuéi sapa-sapa a si Guru. Ampa'paan in ituo percayan ami si Guru imai asi Amang Kasuruan owo.”

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”