Lukas 7:29 - En Taar Weru a nunuwu' é Tontemboan

²⁹ Wo pakasa sé tou iluminga in aicua i Yesus, wo ka'i sé tou matagi im pajak, makua sapaoka si Amang Kasuruan itu wutul. Ampa'paan séra im baya imééo in owak em baptisen i Yohanes Mabaptis.

Lukas 7:29 Iomraidhean Croise

Matius 5:46

Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Lukas 20:6

Taan sa icuata asé tou owo, tantu kita wangkilen é tou im batu, ampa'paan percayan éra sapaoka si Yohanes itu esa nabi.”

Lukas 3:12

Sé matagi im pajak ka'i mai mapabaptis a si Yohanes. Wo séra mamuéi a si Yohanes, “Guru, sapa e musti émaan ami?”

Lukas 7:28

Icua-Ku mangé ai camu, asé im pakasa in tou si ai tou é wéwéné ra'ica wana en ilumébé mai eng kawangko' i Yohanes Mabaptis. Taan sé tou ipawawa-wawa' ang Kakolanoan i Amang Kasuruan, ilumébé mai eng kawangko' i Yohanes Mabaptis.”

Lukas 7:35

Taan eng kapinteran asi Amang Kasuruan owo, kaséréan oka a sé tou sé mengaéma' in sususuien wutul itu.”

Kisah Para Rasul 18:25

Wo ka'i tinerimanao en sususuien andumoro' i Apo' Yesus. Sia incaya' keli masisil andumoro' i Yesus wo pakasa em pasisilna ra'ica wana en suméa'. Mandé ka'i in taniitu, em baptisan kailekanna asaloke' im baptisan i Yohanes Mabaptis.

Kisah Para Rasul 19:3

Wuéien ka'i sumawel i Paulus ai séra, “Sa taniitu, nibaptis réén im baptisan sapa kamu?” Isowat éra, “Kami nibaptis kumiit im baptisan i Yohanes.”

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.

Wahyu 16:5

Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.