Lukas 7:22 - En Taar Weru a nunuwu' é Tontemboan

²² Wo en ai sowat i Yesus ai séra, “Maréngo mangé a si Yohanes Mabaptis wo icuao mio' ai sia sapa sé sinéréo miow wo sé liningao miow: si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.”

Lukas 7:22 Iomraidhean Croise

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Lukas 7:21

Asi témpo itu, si Yesus sumama' sé tou keli sé membam-balinaan en sakit si méma' iséra mawendu wo musér ka'i sé roh léwo'. Sia ka'i iméma' kelian sé tou wola ro'na maséré.

Lukas 7:23

Wo icua ka'i i Yesus, “Pakakamangen sé tou ra'ica marua-rua wasa maéman a Yaku wo ra'ica icumélong Yaku.”

Yohanes 1:46

Taan isowat i Natanael, “Roong Nazaret? Awéan réén esa tou loor si mai an doong itu owo?” Isowat i Filipus, “Mayo sérénmu oka in esa.”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 8:7

An tutuw itu ka'i, si Filipus imusér sé sétang irumasuk sé tou keli wo sé sétang itu makala'us kumesot ang karapi i mengangko-ngangko'. Kelian ka'i sé tou késo' wo kénto' sé sinama'na.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.