Lukas 7:16 - En Taar Weru a nunuwu' é Tontemboan

¹⁶ Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Lukas 7:16 Iomraidhean Croise

Matius 15:31

Sé tou keli itu ka'i mangaya-ngaya'ka' isuméré sé tou wowo' maroma'o, sé tou kénto' masama'o, sé tou késo' mawaya'o, sé tou wola maséréo, wo irayo éra si Amang Kasuruan é Israel.

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Matius 28:8

Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Lukas 1:65

Pakasa sé mekatana' wo iséra mangaya-ngaya'ka' wo maindé'. Wo en abar itu icaserar a sé tou maento' ang kuntu-kuntung an Yudea.

Lukas 1:68

“Irayoo mangé si Amang Kasuruan, si Casuruan é tou Israel! Ampa'paan Sia imayo en tumawang sé tou-Na wo mai mekar iséra.

Lukas 19:44

Wo ko é kota Yerusalem pakatongka-tongkaren oka wo sé tou ang kotamu pakapaté-patén oka. Wo ra'io iwaya éra esa watu e meliunsunan am bawo im batu walina. En itu si mamuali oka, ampa'paan ra'ica kailekanmu sapaoka intarépé' si Amang Kasuruan imayo lumowir ico.”

Lukas 2:20

Kumawus in itu, sé gembala maréng angé sumawel an tampa éra. Ang karoro'an éra imawaréng, séra marayo-rayo wo masiri-siri' si Amang Kasuruan ampa'paan pakasa sé lininga wo sé sinéré éra itu, meputé ulit wo si aicua i malaékat i Casuruan ai séra.

Lukas 24:19

Wo wuéien ka'i i Yesus ai séra, “Sapa réén e imamuali?” Isowat éra, “Andumoro' si mamuali a si Yesus Tou Nazaret. Sia Nabi, e nunuwu'-Na wo em pengaémaan-Na uli-ulit wuta ing kawasa an dior i Amang Kasuruan wo an dior é tou.

Lukas 5:26

Keséré éra sapa e imamuali, pakasa sé tou am bitu mangaya-ngaya'ka' wo séra rumayo wo sumiri' si Amang Kasuruan. Wo ang karapi in indé' séra kumua, “Asi endo anio' sinéréo ami eng kakaya'kaan wangko' imamuali.”

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 7:15

Si mangalitou imatéo itu tumoor wo sia lumukut wo tumo'tolo maroma'. Wo iwali mangé i Yesus si mangalitou itu a si inangna.

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Lukas 8:37

Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Lukas 9:19

Wo isowat éra, “Awéan sé makua si Yohanes Mabaptis, awéan ka'i sé makua si nabi Elia. Wo sé walina ka'i makua esaan asé nabi indior si tumou sumawel.”

Yohanes 1:21

Wo wuéien éra ka'i ai sia, “Sa taniitu si séi réén ko? Ico réén si Elia?” Isowat i Yohanes, “Ra'ica!” Wuéien éra ka'i, “Ico réén si nabi si paento-ento'en ami si maai oka itu?” Wo isowat i Yohanes, “Ra'ica!”

Yohanes 1:25

séra imamuéi in tana'i ai sia, “Sa ko ra'ica si Mesias Kolano Lumolowir ami, ra'ica si nabi Elia wo ra'ica si nabi wangko' si maai oka itu, kéitu réén ko mengabaptis?”

Yohanes 4:19

Icua i wéwéné itu ai Sia, “O, asi oras anio' kailekankuo si Tuang uli-ulit nabi.

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 9:17

Wo sé tou Farisi mamuéi ka'i a si tou itu, “Ico si tou wola si niéma'-Nao ro'na maséré, tambisa réén sa iciit ico andumoro' i Tou itu?” Isowatna ai séra, “Sia itu nabi.”

Kisah Para Rasul 5:5

Kelinga i Ananias in itu, sia icarepa an tana' wo maté. Wo pakasa en tou sé iluminga ing kamamualian itu, maindé' keli.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Galatia 1:24

Ampa'paan sapa e niéma' i Amang Kasuruan a yaku, séra rumayo wo sumiri' Sia.