Lukas 7:14 - En Taar Weru a nunuwu' é Tontemboan

¹⁴ Kumawus in itu, Sia rumuru mangé ang kalékos itu, wo timboien-Na. Sé tou makawuléng ing kalékos itu makala'us mento', wo icua-Na, “Éi mangalitou, icua-Ku ai co tumooro!”

Lukas 7:14 Iomraidhean Croise

Markus 5:41

Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Lukas 7:15

Si mangalitou imatéo itu tumoor wo sia lumukut wo tumo'tolo maroma'. Wo iwali mangé i Yesus si mangalitou itu a si inangna.

Lukas 7:17

Wo icaseraro en abar andumoro' i Yesus am pakasa in tana' Yudea wo an li'cirna itu.

Yohanes 11:25

Isowat i Yesus a si Marta, “Yakuo en tumou sumawel sé tou imatéo wo méé ing katouan akar ing kauré-uré. Si séike' sé maéman a Yaku, mandé ka'i sia matéo ang kayo'baan anio', sia tumou oka akar ing kauré-uré.

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Roma 4:17

Ampa'paan icua i Amang Kasuruan a si Abraham in tana'i, “Aitantu-Kuo ko mamuali amang é tou keli.” Tanu siituo en janji i Amang Kasuruan a si Abraham. Wo si Abraham maéman a si Amang Kasuruan si tumou sumawel sé tou imatéo wo ka'i si méma' im baya-waya asaloke' i nunuwu'-Na pakasa waya mamuali.

Efesus 5:12

Ampa'paan pepaarke' sapa sé ipaene-enep éra itu kalawiin keli.