Lukas 7:13 - En Taar Weru a nunuwu' é Tontemboan

¹³ Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Lukas 7:13 Iomraidhean Croise

Markus 8:2

“En até-Ku mendam ing kaupusan a sé tou keli anio', ampa'paan séra teluo ngando mengii-ngiit Yaku wo séra ra'io ka'i wana kakanen.

Lukas 10:1

Kumawus in itu, si Yesus sumisir ka'i pitu ngapulu' murit walina. Wo yutus-Na séra e rumior ai Sia mangé marua-rua tou ang kota-kota wo an tampa-tampa en angéan-Na sa.

Lukas 11:1

Asi sangando si Yesus masombayang an esa tampa. Makakawusai Sia isumombayang wo esaan a sé murit-Na kumua ai Sia, “Guru, pekiupusen ami susuianai kami masombayang, tanu ka'i si Yohanes Mabaptis masusui a sé muritna masombayang.”

Lukas 11:39

Taan icua i Apo' Yesus a si tou Farisi itu, “Kamu sé tou Farisi, ipaturu' miow a sé tou sapaoka kamu mengaéma' in atoran agama miow, taan en até miow imawutao ing kaléwo'an wo mengaandét ing kasiyaan é tou. En itu meputé wo kamu mengawu'as im paelepan wo im pakanan ang kesotnake' taan an untepna kotor keli.

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Lukas 13:15

Taan isowat i Yesus a si tou itu, “Icamu anio' punek! Asi endo Sabat kamu im baya mangé mekar si sapi kuma'pa keledai ang kurungan wo iwali miow mangé melep.

Lukas 17:5

Wo sé sangapulu' rua ruru'du'an itu kumua a si Apo' Yesus, “Guru, keterenai em paémanen ami!”

Lukas 17:6

Wo isowat i Apo' Yesus, “Sa kamu maéman mandé ka'i em paémanen iow itu tanuke' im batuna si tumeki-tekic, kamu ro'na merénta in tuura in ara anio' makémbut wo causew an ta'sic, tantu en tuura anio' kumiit im perénta miow.”

Lukas 18:6

Wo icua i Yesus, “Wéanio' rékén sapa en aicua i akim si mengarapitke' itu!

Lukas 19:8

An tutuw i Yesus am balé i Zakheus wo sia tumulung wo kumua a si Apo' Yesus, “Tuang! Sangaperua ing kasiyaanku, iwééku oka a sé tou lengéi. Wo si séike' mangé si sumangkumo niuwak wo niindoanku in doit, iwaréngku oka sumawel ai sia makaepat lumepet!”

Lukas 22:61

Wo si Apo' Yesus suméléng en suméré si Petrus. Wo kata'néiano i Petrus si sumangkumo aicua i Apo' Yesus ai sia, “Ra'ipé' kumukuk si co'ko' asi endo anio', ico makateluo sumangkal Yaku.”

Lukas 24:3

Wo séra muntep, taan ra'ica kinaséréan éra e mayat i Apo' Yesus.

Lukas 24:34

Wo icua é murit i Yesus itu ai séra in dua, “Wutul, si Apo' Yesus itumouo sumawel wo imapaturu'o in owak-Na a si Simon.”

Lukas 7:12

An tutuw Sia matawio im papalen wangko' ing kota, awéan sé tou makawuléng ing kalékos si pakatekelan i tou imaté. Si tou imaté itu toyaang tuama, toyaang esa-esa i wéwéné balu. Wo keli sé tou ang kota itu mawaya' mewali-wali wo si wéwéné balu itu.

Lukas 7:14

Kumawus in itu, Sia rumuru mangé ang kalékos itu, wo timboien-Na. Sé tou makawuléng ing kalékos itu makala'us mento', wo icua-Na, “Éi mangalitou, icua-Ku ai co tumooro!”

Lukas 7:19

wo towanna rua tou asé muritna wo iru'du'na séra mangé mamuéi a si Apo' Yesus, “Amang, si Amang réén si tou aijanjio i Amang Kasuruan maai itu? Kuma'pa tou walina e musti entoon ami?”

Lukas 8:52

Pakasa sé tou mengamé-ngamé' wo masesendu'an repet a si toyaang itu. Taan icua i Yesus, “Nomo mengamé-ngamé'! Si toyaang itu ra'ica imaté, taan asalo tumekel.”

Yohanes 11:2

Si Maria itu wéwéné si sumangkumo sumolo ing kécéi i Apo' Yesus maké in solo mawou manam wo linapna im buukna. Si wéwéné itu mepoow wo si Lazarus si sumakit itu.

Yohanes 11:3

Anaé, sé rua poowna wéwéné itu rumu'du' tou mangé kumua in abar a si Yesus tana'i, “Tuang, si Lazarus si caupus-Mu itu sumakit.”

Yohanes 20:13

Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Yohanes 20:15

Wo icua i Yesus a si Maria, “Inang, kéitu réén ko maamé'? Si séi réén em paéré-érénmu?” Paweroten i Maria si tou itu mengatéir in taman, wo icua i Maria, “Tuang, sa si tuang e mindo i mayat-Na, icuao mai a yaku am bisa winetaanmu Sia, wosama' Sia ro'na indonku.”

Yohanes 4:1

Sé tou Farisi ilumingao sapaoka kelio sé tou mengakiit a si Yesus wo nibaptis-Na, akar ilumébéomai wo sé nibaptis i Yohanes.

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.

1 Korintus 7:30

Wo sé tou maamé' tioo memero-merot andumoro' ing kawenduan. Wo sé tou maaru-arui tioo memero-merot ing kaaruian. Wo sé tou awéano en tinelesan tioo memero-merot andumoro' ing kasiyaanna.

1 Tesalonika 4:13

Poo-poow, sa awéan tou maté, ra'ica kiim ami kamu mawendu keli kaputé sé tou ra'io wana em paarapen. Ampa'paan in itu, icasale' ami kumua ai camu sapa si mamuali oka a sé tou matéo.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.