Lukas 6:47 - En Taar Weru a nunuwu' é Tontemboan

⁴⁷ Icua-Ku ai camu, pakasa en tou imai a Yaku wo luminga sé aicua-Ku wo péngaémaanna, ituru'-Ku oka ang karapi in sapa sia aipeputé-Ku.

Lukas 6:47 Iomraidhean Croise

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Lukas 6:48

Sia ipeputé wo si tou mangun im balé: Kataré-taré sia kuma'il in tana' rarem keli wo tumulir im batu pandasi wo mangun im balé am bawo im batu itu. An tutuw mai en sonop wangko' wo tumuli im balé itu, em balé itu ra'ica iméro' ampa'paan winangun am bawo im pandasi enté'.

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.

Lukas 8:8

Taan awéan en lulumbo walina sé irumongkor an tana' kemel, sé lulumbo itu tumou wo mua' akar sangaatus lumepet.” Kekawus i Yesus masisil in andéan itu wo icua-Na ka'i, “Si séi e makalunteng, aweso taré sia lumingao sumama-sama'!”

Yohanes 10:27

En suara-Ku pengalingan é domba-Ku. Katuusan-Ku séra wo séra kumiit Yaku.

Yohanes 13:17

Kailekano miow waya sé aisusui-Ku anio', anaé sa kiiten iow sé ipasusui-Ku, kamu kamangen oka.

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 6:35

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Yakobus 4:17

Anaé, sa awéan tou si makaileko tumambisa musti maéma' in loor, taan en itu ra'ica pengaémaanna, sia itu méma'o ing kamesé-meséaan.

1 Petrus 2:4

Siituo kamu mayo a si Yesus. Sia ayandé tanu watu i menonou ampa'paan sé tou ro'na émaan-Na menonou. Sia ayandé tanu watu si aitiya' é tou, taan an dior i Amang Kasuruan sia sinisir wo siniri' tanu watu sosor em bééna.

2 Petrus 1:10

Ampa'paan in ituo é poo-poowku, kamu musti rumaméji tumuru' sapaoka kamu uli-ulit tinowa wo sinisir i Amang Kasuruan kumiit ai Sia. Sa émaan iow pakasa en itu, em paémanen iow a si Kristus makaketer wo ra'ica kawisa kamu lumepok ang kamesé-meséaan.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.

Wahyu 22:14

Pakakamangen sé tou sé icumemes in jubana. Séra makéré oka hak e maai a sé tuur ing katouan wo muntep ang kota itu kumiit im papalen-papalen wangker.