Lukas 6:44 - En Taar Weru a nunuwu' é Tontemboan

⁴⁴ Ampa'paan en tuura itu kailekan oka é tou am bua'nana. Anaé, sé tou ra'ica kawisa mupu' im bua'na in ara an dukut tutunéan owo wo ka'i ra'ica kawisa mupu' im bua'na in anggor an sarawét.

Lukas 6:44 Iomraidhean Croise

Matius 12:33

Sa en tuura icua miow loor, tantu loor ka'i em bua'na, taan sa en tuura icua miow ra'ica loor tantu ra'ica loor ka'i em bua'na. Ampa'paan asi wua'na ituo kailekanta en tuurana.

Matius 7:16

Kailekan oka miow séra asi wuéna im pinengaéma' éra. Ro'na réén sé tou mupu' im bua'na in anggor an serawet owo kuma'pa wua'na in ara an dukut tutunéan owo?

Matius 7:20

Taniitu ka'i wo sé nabi ra'ica wutul. Katuusan oka miow séra asi wuéna im pinengaéma' éra.

Yakobus 3:12

Poo-poowku, ra'ica kawisa en tuura in ara mua' in zaitun. Wo en tuura in anggor tantu ra'ica kawisa mua' in ara. Taniitu ka'i em palemboian in dano maasin, tantu ra'ica kawisa lumemboi in dano tewang.

Yudas 1:12

An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.