Lukas 6:42 - En Taar Weru a nunuwu' é Tontemboan

⁴² Tambisa réén kamu ro'na kumua a si poowmu, ‘Éi poow, mayoo icesotku en awu ing kayu am berenmu!’ Taan em balak am beren iow ra'ica kaséréan iow. Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu.”

Lukas 6:42 Iomraidhean Croise

Matius 26:75

Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Matius 7:3

Kéitu réén en awu ing kayu am beren i poowmu kaséréan iow, taan em balak am beren iow in esa, ra'ica kailekan iow?

Matius 7:4

Tambisa réén kamu ro'na kumua a si poowmu, ‘Mayoo icesotku en awu ing kayu am berenmu’, taan awéan balak am beren iow?

Lukas 13:15

Taan isowat i Yesus a si tou itu, “Icamu anio' punek! Asi endo Sabat kamu im baya mangé mekar si sapi kuma'pa keledai ang kurungan wo iwali miow mangé melep.

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Lukas 6:41

Kéitu réén en awu ing kayu am beren i poowmu kaséréan iow taan em balak am beren iow in esa ra'ica kaséréan iow?

Lukas 6:43

“Ra'ica wana tuura loor mawua' ra'ica loor. Wo ra'ica wana tuura ra'ica loor wo mua' loor.

Kisah Para Rasul 13:10

wo kumua, “Éi toyaang i kikiiten é sétang! Ico wuta in uwak sé membam-balinaan wo ing kaléwo'an. Pakasa sé wutul pasundurenmuke'. Kéitu réén ra'ica yento'mu mengaléwo' im pawasan i Amang Kasuruan si mai lumowir sé tou?

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 8:21

Ico ra'ica toro mindo bagéan asi tawoien anio', ampa'paan en atému péngkor an dior i Amang Kasuruan.

Roma 2:1

Éi poo-poow, kailekan iow sapaoka sé tou mengaéma' ing kaléwo'an ukumen oka i Amang Kasuruan. Anaé, si séi réén kamu akar akimen iow sé tou walina? Kamu in esa ka'i ra'ica icawekar ang kameséaan! Ampa'paan sa kamu maakim sé tou walina taan kamu in esa maéma' ing kameséaan tanu iséra, eng kaangéanna kamu imakimo ka'i in owak iow in esa.

2 Korintus 5:18

Pakasa in itu tatawoi i Amang Kasuruan. Émaan-Na icita meeluran wo Sia ampa'paano i Kristus. Wo si Amang Kasuruan iméé in tawoien ai cita e makawali waya sé tou meeluran wo Sia.

2 Timotius 2:21

Taniitu ka'i wo sé tou maéman. Sa awéan tou mento' maéma' ing kaléwo-léwo'an, sia asalo pengapakén i Casuruan asé tawo-tawoien loor. Émaan i Casuruan en até i tou itu male'nas. Si Casuruan arui maké isia ampa'paan sia ka'i tu'tul mengaéma' pakasa in tawoien loor.

2 Petrus 1:9

Taan sé tou ra'ica mengaéma' im pakasa itu, séra tanuoka sé tou wola, em pakaséré éra ra'ica loor, ampa'paan ailupao éra sapaoka eng kamesé-meséaan éra indior niampungano.