Lukas 6:19 - En Taar Weru a nunuwu' é Tontemboan

¹⁹ Pakasa é tou itu rumaméji misu' Sia ampa'paan an owak-Na, palemboian ing kawasa e méma' iséra im baya masama'.

Lukas 6:19 Iomraidhean Croise

Matius 14:36

Wo séra mekiupus a si Yesus wosama' énan-Na mandé asaloke' misu' in tempok in juba-Na. Wo pakasa sé tou sumakit sé misu' ai Sia imasama'.

Markus 3:10

Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Markus 5:30

Asi témpo ituke' kailekan i Yesus sapaoka awéan kawasa icumesot an owak-Na. Wo Sia maréng in somoi a sé tou keli itu wo mamuéi, “Si séi réén e misu' in juba-Ku?”

Markus 6:56

Am bisake' en angéan i Yesus, an doo-roong kuma'pa ang kota-kota, mangé iweta' éra sé tou sumakit am pasar wo mekiupus ai Sia, sa woo ro'na séra mandé asaloke' misu' in tempok in juba-Na. Pakasa sé tou sé misu' Sia masama'.

Markus 8:22

Kekawus in itu, si Yesus wo sé murit-Na icateka'o an doong Betsaida. Wo paalinai é tou si esa tou wola a si Yesus wo séra mekiupus ai Sia, wosama' isuun-Na si tou itu.

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 6:18

Séra mai en luminga in sususuien i Yesus wo i mapasama' in sakit éra. Sé tou rinasuk i sétang ka'i sinama'-Na.

Kisah Para Rasul 19:12

Mandé ka'i wayake' in lénso kuma'pa kaéng ipapules in licur si sumangkumo pinaké i Paulus wo iweta' a sé tou sumakit, séra makala'us masama'. Taniitu ka'i wo sé tou rinasuk i roh léwo', sé roh léwo' itu makala'us kumesot.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.