Lukas 6:14 - En Taar Weru a nunuwu' é Tontemboan

¹⁴ Simon si ningaranan-Na ka'i Petrus, si Andreas si metuari wo si Simon, Yakobus, Yohanes, Filipus, Bartolomeus,

Lukas 6:14 Iomraidhean Croise

Matius 10:2

Sé anioo e ngaran é sangapulu' rua ruru'du'an i Yesus itu: Si kataré Simon si pengatuulen Petrus, Andreas si metuari wo si Simon, Yakobus wo Yohanes toya-toyaang i Zebedeus,

Matius 10:3

Si Pilipus, Bartolomeus, Tomas, Matius si mengatagi im pajak, Yakobus toyaang i Alfeus, wo si Tadeus,

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 4:21

Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Markus 1:19

Kumawus in itu, si Yesus lumala'us im bawayaan-Na wo sérén-Na si Yakobus wo si Yohanes kapetuarina, séra toya-toyaang i Zebedeus. Séra ang karoro'an i mawutul in lolombo' an londéi.

Markus 1:29

Kekesot i Yesus am balé paapo'an é agama Yahudi itu, wo Sia mangé mewali-wali wo si Yakobus wo si Yohanes am balé i Simon wo si Andreas.

Markus 14:33

Wo towan i Yesus si Petrus, si Yakobus wo si Yohanes kumiit angé ang karapi-Na. Asi témpo itu, en até-Na tumo'tolo makapendam im bendu, wo ra'io makaaté in sama'.

Markus 3:16

Sé sangapulu' rua tou sé sinisir-Na itu, e ngaran éra: Simon si ningaranan-Na ka'i Petrus,

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Markus 9:2

Lumangkoio enem ngando, iwali i Yesus si Petrus, si Yakobus wo si Yohanes sumosor asi esa kuntung rangka'. Am bitu wayaoka iséra wo an dior im beren éra si Yesus mawalinao,

Lukas 5:10

Taniitu ka'i sé kara-karapi i Simon, si Yakobus wo si Yohanes sé toyaang i Zebedeus, séra mangaya-ngaya'ka' isuméré in itu. Wo icua i Yesus a si Simon, “Simon tioo maindé'! Ico manaram mengatangka' sera', taan tumo'tol intarépé' ko mengaéré oka tou eng kumiit Yaku.”

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 6:13

An tutuw i mandoo, towan-Na sé tou makii-kiit Sia wo sisiren-Na sangapulu' rua tou ai séra. Séra sé patuulen-Na ruru'du'an. E ngaran éra:

Lukas 6:15

Matius, Tomas, Yakobus toyaang i Alfeus, Simon si patuulen ka'i tou Zelot,

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 14:8

Icua i Filipus a si Yesus, “Tuang, ituru'o mai si Amang-Mu ai cami wo en até ami arui keli.”

Yohanes 6:5

An tutuw i Yesus suméré an li'cir-Na, sérén-Na kakeli tou meréro-rérot maai ai Sia. Wo icua-Na a si Filipus, “Am bisa réén e ro'na telesanta ing kakanen, wosama' awéan e ro'na kanen é tou keli anio'?”

Yohanes 6:8

Awéan esa asé murit i Yesus, makangaran Andreas, sia itu tuari i Simon Petrus. Icuana in tana'i a si Yesus,

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Kisah Para Rasul 12:2

Peréntanna sé touna wosama' si Yakobus si metuari wo si Yohanes patén maké in sa'bel.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.