Lukas 6:13 - En Taar Weru a nunuwu' é Tontemboan

¹³ An tutuw i mandoo, towan-Na sé tou makii-kiit Sia wo sisiren-Na sangapulu' rua tou ai séra. Séra sé patuulen-Na ruru'du'an. E ngaran éra:

Lukas 6:13 Iomraidhean Croise

Matius 10:2

Sé anioo e ngaran é sangapulu' rua ruru'du'an i Yesus itu: Si kataré Simon si pengatuulen Petrus, Andreas si metuari wo si Simon, Yakobus wo Yohanes toya-toyaang i Zebedeus,

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Matius 9:36

An tutuw i Yesus suméré sé tou keli makiit Sia, mai eng kaupusan in até-Na ai séra, ampa'paan séra makepéo wo icawayao tanuoka sé domba ra'io wana gembala.

Markus 6:30

Kekawus in itu, sé murit ayutus i Yesus maréng sumawel e mali'us mewali-wali wo Sia. Wo icua éra ai Sia pakasa sé tinawoio wo sé aisusuio éra.

Markus 6:7

Towan-Na sé sangapulu' rua murit-Na wo yutus-Na séra mangé marua-rua tou en sumusui a sé tou a mangé mbitu. Wéan-Na ka'i kawasa séra e musér sé roh léwo'.

Lukas 11:49

Ampa'paan in ituo, indior maké ing kapinteran-Na si Amang Kasuruan kumua in tana'i, “Yutus-Ku oka sé nabi wo sé ruru'du'an-Ku mangé a sé tou Israel. Sé sangaperua ai séra okoien oka wo sé sangaperua ka'i patén oka.”

Lukas 22:30

Anaé, icamu wo Yaku mewali-wali oka kuman wo melep an esa méja ang Kakolanoan-Ku. Wo kamu ka'i lumukut oka am palukutan pasiri-siriin e merénta sé sangapulu' rua suku tou Israel.”

Lukas 6:14

Simon si ningaranan-Na ka'i Petrus, si Andreas si metuari wo si Simon, Yakobus, Yohanes, Filipus, Bartolomeus,

Yohanes 4:33

Kelinga éra in itu sé murit-Na membum-buéian, “Awéan réén tou si maalio mai ing kakanen ai Sia?”

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

Wahyu 12:1

Kekawus in itu, kaséréano an langit awéan tuus wangko'. Awéan esa wéwéné en owakna pakasaputen i yéndo wo eng kécéi aiweta'na am bawo i serap. Wo en do'kosna pinakéan i mahkota si niéma' asé sangapulu' rua sumesendot.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.