Lukas 5:30 - En Taar Weru a nunuwu' é Tontemboan

³⁰ Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 5:30 Iomraidhean Croise

Matius 5:46

Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Matius 9:11

An tutuw é tou Farisi suméré si Yesus makan ang karapi é tou itu, icua éra a sé murit i Yesus, “Kéitu si Guru miow makan ang karapi é matagi im pajak wo sé tou méma' ing kamesé-meséaan itu?”

Markus 2:16

An tutuw itu, awéan ka'i sé makailek wutul in Torat ang golongan Farisi isuméré si Yesus makan mewali-wali wo sé matagi im pajak wo sé tou iméma' ing kamesé-meséaan. Wo wuéien éra a sé murit i Yesus, “Kéitu Sia makan mewali-wali wo sé matagi im pajak wo sé tou iméma' ing kamesé-meséaan?”

Markus 7:3

Ampa'paan sé tou Farisi meputé wo sé tou Yahudi walina, séra ra'ica toro kuman sa ra'ica mu'as ing kama kumiit ing kanaramen. Wo pengatimboien éra in sama' eng kanaramen é apo-apo' éra.

Markus 9:16

Wo wuéien i Yesus ai séra, “Sapa réén em pineson-sowatan iow wo iséra?”

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 5:21

Kelinga in itu, piraan tou sé makailek wutul in Torat wo sé tou Farisi mawero-werot an untep in até, “Si séi réén si Tou anio'! Em pakanuwu'-Na maojato si Amang Kasuruan. Ra'ica wana tou e ro'na méé kaampungan ing kamesé-meséaan é tou, wayake' si Amang Kasuruan.”

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Kisah Para Rasul 23:9

Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”