Lukas 5:21 - En Taar Weru a nunuwu' é Tontemboan

²¹ Kelinga in itu, piraan tou sé makailek wutul in Torat wo sé tou Farisi mawero-werot an untep in até, “Si séi réén si Tou anio'! Em pakanuwu'-Na maojato si Amang Kasuruan. Ra'ica wana tou e ro'na méé kaampungan ing kamesé-meséaan é tou, wayake' si Amang Kasuruan.”

Lukas 5:21 Iomraidhean Croise

Matius 26:65

Kelinga in itu wo késéén i imam wangko' eng karaina ampa'paan mae'bow keli wo icuana, “Sia maojato si Amang Kasuruan. Anaé, sapapé' en torona kita mangéré sairi. Liningao miow waya e nunuwu'-Na maojat si Amang Kasuruan.

Matius 9:3

Kelinga in aicua i Yesus itu, sé piraan tou makailek wutul in Torat kumua an untep in até, “Si Tou anio' mengaojat si Amang Kasuruan.”

Lukas 3:8

Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 5:22

Taan kailekan i Yesus em pawero-weroten éra. Wo icua-Na ai séra, “Sapa réén em pemero-meroten iow an untep in até?

Lukas 7:49

Sé tou makalukut makan mewali-wali wo si Yesus, mawerot an até éra, “Si séi réén Sia akar eng kamesé-meséaan ro'na ampungan?”

Yohanes 10:33

Isowat é tou Yahudi itu, “Ra'ica ampa'paan in tawoien loor itu akar icasalé' ami mangkil im batu ai Co, taan ampa'paan Ico maojat si Amang Kasuruan! Ico asaloke' tou taan en owak-Mu pengapeputé-Mu wo si Amang Kasuruan.”

Roma 8:33

Si séi réén e ro'na méé séa' a sé tou sinisiro i Amang Kasuruan? Sé tou sinisir-Na nianggap-Na wutul, ra'ica wana e ro'na mukum séra?