Lukas 5:17 - En Taar Weru a nunuwu' é Tontemboan

¹⁷ Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 5:17 Iomraidhean Croise

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 15:1

Awéan piraan tou Farisi wo sé makailek wutul in Torat an Yerusalem owo. Séra mai a si Yesus wo mamuéi,

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Markus 16:18

Mandé séra tumimboi si ula' rumacu-racung wo melep racung séra ra'ica masapa-sapa. Séra maro ing kama a sé tou sumakit wo sé tou itu masama'.”

Markus 3:22

Sé makailek wutul in Torat sé imai an Yerusalem owo kumua ka'i, “Sia rinasuko i Beelzebul! Sia musér sé sétang mengapaké ing kawasa i kikiiten é sétang anio'.”

Markus 5:30

Asi témpo ituke' kailekan i Yesus sapaoka awéan kawasa icumesot an owak-Na. Wo Sia maréng in somoi a sé tou keli itu wo mamuéi, “Si séi réén e misu' in juba-Ku?”

Markus 7:1

Asi makasa, awéan piraan tou Farisi wo sé makailek wutul in Torat an Yerusalem owo mai meta'up wo si Yesus.

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 2:46

Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Lukas 5:21

Kelinga in itu, piraan tou sé makailek wutul in Torat wo sé tou Farisi mawero-werot an untep in até, “Si séi réén si Tou anio'! Em pakanuwu'-Na maojato si Amang Kasuruan. Ra'ica wana tou e ro'na méé kaampungan ing kamesé-meséaan é tou, wayake' si Amang Kasuruan.”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 6:19

Pakasa é tou itu rumaméji misu' Sia ampa'paan an owak-Na, palemboian ing kawasa e méma' iséra im baya masama'.

Lukas 7:30

Taan sé tou Farisi wo sé makailek wutul in Torat makélong im pawasa-wasan i Amang Kasuruan ang katouan éra. Sérao sé tou sé ra'ica kiim baptisen i Yohanes Mabaptis.

Lukas 8:46

Icua i Yesus, “Taan awéan tou e misu' Yaku, ampa'paan kapendaman-Ku awéan kawasa en icumesot an owak-Ku.”

Yohanes 3:10

Isowat i Yesus, “Ico guru agama si pasiri-siriin é tou Israel, kéitu réén ra'ica kaangéanmu sé andumoro' in itu?

Yohanes 3:21

Taan si séike' mangé mengaéma' im butul, sia mai sumusut an sendot itu, wosama' kaséréan oka sapa sé pinengaéma'na itu kumiit ing kasalé'an i Amang Kasuruan.”

Kisah Para Rasul 19:11

Si Amang Kasuruan méé kawasa a si Paulus e méma' ing kakaya'kaan sé ra'io icakua.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 5:34

Taan awéan si esa tou anggota i Mahkamah Agama makangaran Gamaliel. Sia guru in ukum Torat ang golongan Farisi wo ka'i pasiri-siriin é tou. Wo sia tumulung am bitu wo rumu'du' sé tou wosama' kumesot toyo' am bitu.