Lukas 4:42 - En Taar Weru a nunuwu' é Tontemboan

⁴² Asi woondona mai ra'ipé' mantang si yéndo, itela'u i Yesus eng kota itu wo Sia mangé an esa tampa lulu in tou. Taan sé tou keli maéré-éré Sia Yesus. Wo an tutuw ipeta'up éra Sia, pekiupusen éra sa woo ro'na Sia ra'ica tumela'u séra.

Lukas 4:42 Iomraidhean Croise

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Lukas 24:29

Taan peleséén éra Sia wosama' tumuli. Icua éra, “Mentoo am bia'i mewali-wali wo icami, ampa'paan tawio mawengi wo ka'i mekeremo.” Wo si Yesus muntep am balé itu wo mento' mewali-wali wo iséra.

Lukas 6:12

Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 4:40

Anaé, tutuw é tou Samaria icateka' mangé a si Yesus, pekiupusen éra wosama' Sia ro'na mento' ang karapi éra. Wo Sia mento' am bitu rua ngando eng kauré.

Yohanes 6:24

Anaé, ampa'paan sinéréo é tou keli si Yesus wo sé murit-Na ra'ica am bitu, sé tou keli itu sumaké an londé-londéi sé mai ang kota Tiberias owo wo mangé ang Kapernaum e mangéré si Yesus.