Lukas 4:41 - En Taar Weru a nunuwu' é Tontemboan

⁴¹ Wo a sé tou keli kumesot ka'i sé sétang wo mengangko-ngangko', “Icoo si Toyaang i Amang Kasuruan.” Wo péronen i Yesus séra, ra'ica iwéé-Na rumoma' ampa'paan kailekano éra sapaoka Sia itu si Kristus.

Lukas 4:41 Iomraidhean Croise

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 4:3

Wo si kikiiten é sétang mai wo kumua, “Ampa'paan Ko Toyaang i Amang Kasuruan, peréntano sé watu anio' wosama' mamuali roti.”

Matius 8:16

An tutuw matawio im bengi, iwali éra mai waya a si Yesus sé tou rinasuk i sétang, wo ang karapi i makasake' numuwu' yusér-Na sé roh léwo' itu wo samaan-Na waya sé tou sumakit.

Matius 8:29

Wo séra ka'i mangko', “Sapa en urusan-Mu wo icami, éi Toyaang i Casuruan? Mai-Mu réén okoien kami mandé ra'ipé' an témpona?”

Matius 8:4

Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Markus 1:25

Wo sia réndéren i Yesus, “Menes, kumesot ai sia ko!”

Markus 1:32

Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus.

Markus 1:34

Wo keli en tou sinama' i Yesus a sé membam-balinaan en sakit wo ka'i Sia musér sé sétang. Ra'ica iwéé-Na sé sétang itu rumoma', ampa'paan katuusan éra si séi Sia.

Markus 3:11

Susur ka'i sé tou rinasuk i roh léwo' itu suméré si Yesus, séra kumundu an dior-Na wo mangko', “Icoo si Toyaang i Amang Kasuruan!”

Lukas 4:39

Wo si Yesus mangé tumulung an duru i wéwéné itu wo yusér-Na en sakit paso' i inang émpo i Simon wo masama'. Si wéwéné itu makala'us tumoor wo selewiranna séra.

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.