Lukas 4:40 - En Taar Weru a nunuwu' é Tontemboan

⁴⁰ Keuntep ako i yéndo, sé tou keli mai a si Yesus aiwali éra mai waya sé tou membam-balinaan en sakit. Wo si Yesus maro ing kama ai séra esa wo si esa wo sumama' séra.

Lukas 4:40 Iomraidhean Croise

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 14:13

Kelinga i Yesus en abar i Yohanes Mabaptis imatéo, wo Sia sumingkir angé tumela'u in tampa itu. Wo Sia sumaké an londéi mangé an tampa lulu in tou. Taan an tutuw kinailekan é tou keli, wo séra kumesot ang kota-kota éra wo maya' ing kécéi kumiit in lalan katanaan.

Markus 3:10

Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Markus 5:23

Wo sia uli-ulit mekiupus a si Yesus, icuana, “Si toyaangku wéwéné wéta' sumakit repet wo tawio maté. Mayoo am baléku é Tuang wo maro ing kama ai sia, wosama' sia ro'na masama' wo menonou.”

Markus 6:5

Ampa'paano in itu ra'ica niéma'-Na eng kakaya'kaan am bitu mandé esake', taan asaloke' imaro ing kama-Na a sé piraan tou sumakit wo sumama' iséra.

Kisah Para Rasul 19:12

Mandé ka'i wayake' in lénso kuma'pa kaéng ipapules in licur si sumangkumo pinaké i Paulus wo iweta' a sé tou sumakit, séra makala'us masama'. Taniitu ka'i wo sé tou rinasuk i roh léwo', sé roh léwo' itu makala'us kumesot.

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.