Lukas 4:4 - En Taar Weru a nunuwu' é Tontemboan

⁴ Taan isowat i Yesus ai sia, “Ang Kitap Le'nas aipatic in tana'i, ‘Sé tou menonou ra'ica asaloke' i roti.’ ”

Lukas 4:4 Iomraidhean Croise

Matius 4:4

Taan isowat i Yesus, “Ang Kitap Le'nas aipatic in tana'i, ‘Sé tou menonou ra'ica asaloke' i roti, taan ka'i asi Taar si cumesot am ba'ba' i Amang Kasuruan owo.’ ”

Matius 6:31

Ampa'paan in itu, tioo kamu maindé-indé' wo makua, ‘Sapa eng kanen oka ami?’ wo ‘Sapa en elepen oka ami?’ kuma'pa ‘Sapa ka'i eng karaien oka ami?’

Lukas 22:35

Wo icua i Yesus a sé murit-Na, “Indior, kamu sumangkumo ayutus-Ku mangé kumua in Abar Kaaruien wo ra'ica winéan-Ku kaloasan e maali im papumpunan in doit, sompoi pawalunan wo selop. Asi témpo itu, awéan réén ai camu sumangkum kinainaan sapa-sapake' mangé?”

Lukas 4:10

Ampa'paan ang Kitap Le'nas aipatic andumoro' Ico in tana'i, ‘Iru'du' oka i Amang Kasuruan sé malaékat-Na en lumoindong Ico

Lukas 4:3

Wo icua i kikiiten é sétang a si Yesus, “Ampa'paan Ko Toyaang i Casuruan, ru'du'o mio' em batu anio' mamuali roti.”

Lukas 4:8

Taan icua i Yesus ai sia, “Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaapo'an wo paselewiranmu.’ ”

Efesus 6:17

Kamu linowiro i Amang Kasuruan, pakénno mangé eng kalowiran iow itu tanu pengaloindong an do'kos iow. Wo ka'i terimano mangé en Taar i Amang Kasuruan tanu sa'bel si aiwéé i Roh Le'nas en sumundur sé kaséké'.