Lukas 4:36 - En Taar Weru a nunuwu' é Tontemboan

³⁶ Wo pakasa sé tou am bitu mangaya'ka' wo séra mengkuanan, “Em pakaroma'-Na itu wuta ing kawasa. Ampa'paan maké ing kawasa wangko'-Na, sé roh léwo' kumiit im perénta-Na wo séra ka'i kumesot.”

Lukas 4:36 Iomraidhean Croise

Matius 9:33

Kekawus i Yesus musér si sétang asi tou wowo' itu, an tutuw ituke' si tou itu ro'nao maroma'. Sé tou keli am bitu mangaya-ngaya'ka' wo mengkuanan, “Ra'ipé' sumangkum ako sérén ami eng kamamualian tanu si anio' an Israel.”

Markus 1:27

Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”

Markus 7:37

Séra wutu-wutul mangaya'ka' wo kumua, “Niéma'-Na waya maloor, si wengel niéma'-Na malinga wo si wowo' niéma'-Na maroma'.”

Lukas 2:18

Wo pakasa sé tou iluminga in aicua é gembala itu mangaya-ngaya'ka'.

Lukas 4:32

Sé tou am bitu mangaya-ngaya'ka' luminga in sususuien-Na ampa'paan Sia manuwu' wuta ing kawasa.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.