Lukas 4:25 - En Taar Weru a nunuwu' é Tontemboan

²⁵ Taan icua-Ku ai camu sé uli-ulit mamuali, tana'i: Indior an jaman i nabi Elia, linémpen i Amang Kasuruan en langit wo telu ngata'un enem ngaserap eng kauré ra'ica imaura-uran am pakasa in tana' Israel wo ka'i tinena ing kaareman wangko'. Asi témpo itu ka'i a mangé mbitu kelian wéwéné balu.

Lukas 4:25 Iomraidhean Croise

Matius 20:15

Si séi e méro yaku e maké in doitku in esa kumiit ing kasalé'anku? Kuma'pa panganatenmu réén ampa'paan aku tumuru' ing kalooranku a sé tou anio'?’

Lukas 10:21

Asi témpo itu si Yesus winuta i Roh Le'nas wo en até-Na maaru-arui. Wo icua-Na, “O Amang Kasuruan si Makakawasa in tana' wo en langit, Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé maanggap in owak éra pinter wo makailek im baya-waya. Taan aituru' i Amang andumoro' in itu a sé tou wawa'. Wo siituo e iméma' in até i Amang arui.

Roma 9:15

Tanu en aicua-Na a si Musa, tana'i: “Ituru'-Ku oka eng kaupusan a si séi en icasalé'-Ku turu'an in itu. Wo ituru'-Ku oka eng kalooran a si séi en icasalé'-Ku turu'an in itu.”

Roma 9:20

Taan kita ra'ica toro kumua in taniitu, kita anio' touke'. Wo kita in tou ra'ica wana hak eng kumua a si Amang Kasuruan sapaoka Sia meséa'. Ro'na réén eng kuré' kumua a si mengaéma' ing kuré, “Kéitu réén aku niéma'mu tana'i?”

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Yakobus 5:17

Si Elia tou kaputéta. Sia uli-ulit masombayang mangilek ra'ica toro muran, wo uli- ulit tuu ra'ica tumumpa en uran ang kayo'baan telu ngata'un wo enem ngaserap eng kauré.

Wahyu 11:6

Wo séra in dua awéan kawasa en lumémpen in langit wosama' ra'ica muran ang karoro'an éra makua i nunuwuun i Amang Kasuruan. Séra awéan kawasa ka'i méma' im palemboian in dano mamuali enda', wo kawasa e méma' pakasa ing kawangkuran ang kayo'baan, kawisake' en itu icasalé' éra émaan.