Lukas 4:20 - En Taar Weru a nunuwu' é Tontemboan

²⁰ Pakabacanai i Yesus si aipatic asi tuus itu wo gulungen-Na eng kitap itu wo iwéé-Na sumawel a si tou matawoi am bitu wo Sia lumukut. Pakasa é tou an untep im balé paapo'an é agama Yahudi itu makatéinteng Sia.

Lukas 4:20 Iomraidhean Croise

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 27:60

Wo mangéna icubur e mayat i Yesus am bo'bok si aiwu'bu' asi tolaina wawatuan. Eng kubur itu anu i Yusuf wo pakaémaané'. Wo wiléina esa watu wangker em pénet ing kubur itu, wo tela'una en tampa itu.

Lukas 19:48

Taan ra'ica kailekan éra tumambisa e maté si Yesus, ampa'paan pakasa en tou masalé' mengalinga in sususuien-Na.

Lukas 4:17

Wo awéan e iméé ai Sia kitap ginulung, an untepna pinatican i nunuwu' i nabi Yesaya. Wukaan i Yesus eng kitap ginulung itu wo sérén-Na e nats aipatic in tana'i,

Lukas 4:21

Wo si Yesus tumo'tolo sumusui ai séra in tana'i, “Asi endo anio', imalekepo e nats sé aipatic an untep ing Kitap Le'nas an tutuw iow iluminga sé binaca-Ku.”

Lukas 5:3

Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Kisah Para Rasul 16:13

Asi endo Sabat, kami kumesot am papalen wangko' ing kota. Kami kumiit an tembir in doyongan wo mangéré in tampa pengasombayangan é tou Yahudi, ampa'paan paweroten ami en tampa itu am bitu. An tutuw ami icateka' mangé an tampa pengasombayangan itu, kami meta'up wo sé wéwéné sé mali'us am bitu, kami lumukut wo mapaar andumoro' i Apo' Yesus ai séra.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?