Lukas 4:17 - En Taar Weru a nunuwu' é Tontemboan

¹⁷ Wo awéan e iméé ai Sia kitap ginulung, an untepna pinatican i nunuwu' i nabi Yesaya. Wukaan i Yesus eng kitap ginulung itu wo sérén-Na e nats aipatic in tana'i,

Lukas 4:17 Iomraidhean Croise

Lukas 16:29

Taan icua i Abraham, ‘Ai séra awéano eng kitap-kitap si aipatic i Musa wo ka'i eng kitap-kitap é nabi! Mandéo séra kumiit sapa sé aipatic ang kitap-kitap itu.’

Lukas 20:42

Ampa'paan sia in esa imatico ang kitap Mazmur andumoro' i Kristus tana'i, ‘Si Amang Kasuruan icumuao a si Tuangku tana'i: Lumukuto mai asi tampa pasiri-siriin ang kakan-Ku

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Lukas 4:20

Pakabacanai i Yesus si aipatic asi tuus itu wo gulungen-Na eng kitap itu wo iwéé-Na sumawel a si tou matawoi am bitu wo Sia lumukut. Pakasa é tou an untep im balé paapo'an é agama Yahudi itu makatéinteng Sia.

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 13:27

Sé tou maento' an Yerusalem wo ka'i sé kikiiten éra ra'ica makatuus si Yesus, ampa'paan in ituo séra meesa wosama' Sia ukuman patén. Anaé, linekepo éra sapa sé ipakua é nabi andumoro' Sia si pemaca-macan iow susur in endo Sabat.

Kisah Para Rasul 7:42

Ampa'paan in ituo, séra itela'u i Amang Kasuruan wo iwaya-Na séra maapo' a sé sumesendot an langit, tanu in aipatic ang kitap é nabi: ‘Éi tou Israel! An tutuw iow maento' an tana' kapayasan epat ngapulu' ngata'un eng kauré, kamu ra'ica sumangkum ako méé raragésan kuma'pa raragésan walina a Yaku.