Lukas 4:15 - En Taar Weru a nunuwu' é Tontemboan

¹⁵ Wo am bitu Sia masusui am balé-walé paapo'an é agama Yahudi wo pakasa in tou marayo-rayo Sia.

Lukas 4:15 Iomraidhean Croise

Matius 13:54

Wo icateka'o mangé Sia an doong-Na, am bitu Sia sumusui a sé tou am balé paapo'an é agama Yahudi. Séra mangaya-ngaya'ka' wo kumua, “Am bisa réén eng kinéréan-Na ing kapinteran itu wo ing kawasa e méma' ing kakaya'kaan-kakaya'kaan itu?

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 9:35

Wo si Yesus mangé lumi'cir im pakasa ing kota wo in doo-roong. Sia masusui am balé-walé paapo'an é agama Yahudi wo makua in Abar Kaaruien andumoro' ing Kakolanoan i Amang Kasuruan. Wo Sia ka'i sumama' sé tou sé membam-balinaan en sakit wo sé ra'ica lekep en owak.

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Markus 1:27

Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”

Markus 1:39

Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

Lukas 13:10

Asi esa endo Sabat, si Yesus masusui an esa walé paapo'an é agama Yahudi.

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.