Lukas 3:8 - En Taar Weru a nunuwu' é Tontemboan

⁸ Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Lukas 3:8 Iomraidhean Croise

Matius 21:43

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Matius 3:8

Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan.

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Lukas 13:25

Sa si makawalé itumulungo wo imaleno im papalen, kamu tumulung oka ang kesot wo menéngko-néngkor im papalen wo icua oka miow, ‘Amang, wukaanai em papalen torona ami!’ Wo isowatna ai camu, ‘Ra'ica katuusanku kamu wo ra'ica kailekanku kamu am bisa owo mai.’

Lukas 13:26

Wo icua miow oka, ‘Tantu si Amang makatuus icami. Icamio sé icuman wo melep mewali-wali wo si Amang wo ka'i si Amango e masusui ai cami an lala-lalan ang kota ami.’

Lukas 14:9

Sa si makawalé si menot ico wo si tou pasiri-siriin itu mai ai co, iru'du'na oka ko tumulung ampa'paan em palukutan itu aitu'tulo a si tou pasiri-siriin itu. Wo ang karapi in lawi' ko méra wo mangé lumukut an somoi.

Lukas 19:40

Isowat i Yesus, “Icuaku ai camu, sa séra menes, sé watu anio' oka e mangko' rumayo Yaku.”

Lukas 19:9

Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Lukas 5:21

Kelinga in itu, piraan tou sé makailek wutul in Torat wo sé tou Farisi mawero-werot an untep in até, “Si séi réén si Tou anio'! Em pakanuwu'-Na maojato si Amang Kasuruan. Ra'ica wana tou e ro'na méé kaampungan ing kamesé-meséaan é tou, wayake' si Amang Kasuruan.”

Yohanes 8:33

Isowat éra ai Sia, “Kami anio' taranak i Abraham wo kami ra'ipé' kawisa mamuali ata i séike' mangé. Tumambisa réén Ko makua kami anio' ra'io ka'i mamuali ata?”

Yohanes 8:39

Isowat éra ai Sia, “Kami taranak i Abraham.” Icua i Yesus ai séra, “Sa kamu anio' wutul taranak i Abraham, tantuo em pengaémaan iow loor kaputé i Abraham.

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Roma 9:7

Wo ka'i ra'ica pakasa sé taranak i Abraham itu toya-toyaang i Amang Kasuruan. Ampa'paan aicua i Amang Kasuruan a si Abraham, “Sé patuulen taranakmu wayake' sé taranak i Ishak.”

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.