Lukas 3:2 - En Taar Weru a nunuwu' é Tontemboan

² wo ka'i imam wangko' an tutuw itu si Hanas wo si Kayafas. Wo asi témpo ituke' si Amang Kasuruan méé mai in Taar-Na a si Yohanes toyaang i Zakharia an tana' kapayasan.

Lukas 3:2 Iomraidhean Croise

Matius 11:7

An tutuw é murit i Yohanes mangém, tumo'tolo sisil i Yesus a sé tou keli in andumoro' i Yohanes, “Sapa réén en torona kamu maangé a si Yohanes an tana' kapayasan? Mangé réén suméré in saraw si pengéro-ngéro' in deges?

Matius 26:3

Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Markus 1:2

En Abar Kaaruien anio' aito'tol tanu in aipatic ang kitap i nabi Yesaya: “Séréno! Airu'du'-Ku mai si utusan-Ku rumiorai ai Co, sia oka en tumu'tul in lalan wayaan-Mu.

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Yohanes 1:23

Isowat i Yohanes, “Yakuo si tou si aicua i nabi Yesaya indior, awéan oka tou mengangko-ngangko' an tana' kapayasan, ‘Rondoren en lalan langkoian-Na!’ ”

Yohanes 18:24

Kumawus in itu, iru'du' i Hanas sé tou e makawali si Yesus a si imam wangko' Kayafas. An tutuw itu eng kama-Na pakawa'kesené'.

Kisah Para Rasul 4:6

An sidang itu, lumili ka'i mai si imam wangko' Hanas wo si Kayafas, si Yohanes wo si Aleksander wo sé tou walina sé icauntep an taranak é imam wangko'.