Lukas 3:18 - En Taar Weru a nunuwu' é Tontemboan

¹⁸ Taniituo si Yohanes makua in Abar Kaaruien andumoro' i Yesus Kristus a sé tou keli mapaké ing keli sina'u.

Lukas 3:18 Iomraidhean Croise

Lukas 3:17

Ipetané-Na sé tou maéman wo sé tou ra'ica maéman ai Sia. Tanu in andéan anio', e ni'u ipataap ang kama-Nao en tumané im béné' matu-watu wo sé pesel. Em béné' matu-watu umungen-Na am paumungan wo sé pesel itu tunun-Na oka an api si ra'ica mape'de-pe'del akar ing kauré-uré.”

Lukas 3:19

Taan si Herodes en sisisilenna walina, asi témpo itu sia peroma-romaan i Yohanes ampa'paan si Herodias penanaan i tuarina kinawéngnao wo ka'i ampa'paan sé kaléwo'an walina sé niéma'na.

Yohanes 1:15

Asi makasa, si Yohanes Mabaptis méé ing kasairian andumoro' si pakua in Taar itu. Icuana ang karapi in taangko' tana'i, “Si anioo Sia si sumangkumo aicuaku ai camu! Indior aicuaku, ‘Awéan oka e maai kekawus yaku. Sia en lébé iparangka' mai wo yaku, ampa'paan ra'ipé' itumou aku Sia awéano.’ ”

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Kisah Para Rasul 2:40

Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Kisah Para Rasul 20:2

A Makedonia, sia menuli-nuli a sé tou maéman wo méé kaketeran im paémanen ai séra. Wo sia mangé an Yunani.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.