Lukas 3:16 - En Taar Weru a nunuwu' é Tontemboan

¹⁶ Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Lukas 3:16 Iomraidhean Croise

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Matius 3:12

E ni'u ipataap ang kama-Nao. Weresin-Na oka em papisian im béné' wo umungen-Na em béné' loor am paumungan, taan sé wéné' pesel tunun-Na oka an api si ra'ica mape'de-pe'del.”

Yohanes 1:26

Isowat i Yohanes ai séra, “Baptisenku kamu in dano. Taan an uner iow am bia'i awéan Tou si ra'ipé' katuusan iow.

Yohanes 1:27

Siao si maai kekawus yaku, taan Sia en lébé parangka' mai wo yaku akar muka'ke' in tali in sapatu-Na yaku ra'ica patus.”

Yohanes 1:33

An tutuw itu ra'ipé' katuusanku Sia, taan si Amang Kasuruan si mutus yaku e mengabaptis sé tou ang karapi in dano, icumuao a yaku: ‘Sa sérénmu e Roh itu tumumpa mai an dangka' i esa Tou wo tumeka' am bawo-Na, Sia oka e mengabaptis sé tou ang karapi i Roh Le'nas’.

Yohanes 7:38

Si séike' si maéman a Yaku, tanu si aipatic ang Kitap Le'nas, an untep in aténa maroyong oka tanu salu-salu in dano e méma' isia menonou akar ing kauré-uré.”

Kisah Para Rasul 1:5

Si Yohanes Mabaptis, mengabaptis sé tou maké in dano, taan ra'- io uré ka'i kamu baptisen oka i Roh Le'nas.”

Kisah Para Rasul 10:44

An tutuw i Petrus maroma'pé' wo tumumpa mai e Roh Le'nas a sé pakasa in tou sé makalinga in aicua i Petrus.

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.