Lukas 24:44 - En Taar Weru a nunuwu' é Tontemboan

⁴⁴ Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 24:44 Iomraidhean Croise

Matius 1:22

Pakasa en itu mamuali wosama' malekep sapa en aicua i Amang Kasuruan a si nabi-Na indior:

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Markus 9:31

ampa'paan Sia ang karoro'an imasusui a sé murit-Na. Icua-Na ai séra, “Si Toyaang i Tou isarakan oka a sé tou, wo patén éra oka Sia, wo asi endo katelu Sia tumou oka sumawel.”

Lukas 21:22

Ampa'paan asé endo ituo en orasna i Amang Kasuruan méé ukuman, wosama' pakasa sé aipatic ang Kitap Le'nas lekepen.

Lukas 22:37

Icua-Ku in taniitu ai camu, ampa'paan aipatico ang Kitap Le'nas andumoro' Yaku, en itu musti mamuali a Yaku. Tana'i e nats aipatic ang Kitap Le'nas, ‘Sia icauntep oka a sé tou léwo'.’ Anaé, sapa en aipatic andumoro' Yaku, asi oras anio' tumo'tolo mamuali.”

Lukas 24:46

Wo icua-Na ai séra, “Aipatic ang Kitap Le'nas tana'i: Si Mesias, si Colano Lumolowir, musti mawendu wo maté wo asi endo katelu tumou sumawel an uner é tou imaté.

Lukas 9:22

Kumawus in itu icua i Yesus ka'i, “Si Toyaang i Tou musti sumangkum oka ing kelian kawenduan wo Sia ra'ica tinerima é matu'a é tou Yahudi, sé kikiiten é imam wo sé makailek wutul in Torat. Sia patén éra oka, taan asi endo katelu touen sumawel i Amang Kasuruan.”

Lukas 9:44

“Lingan wo wéan rékén sumama-sama' pakasa sé icua-Ku anio': Yaku si Toyaang i Tou, isarakan oka é tou a sé tou makakawasa.”

Yohanes 3:14

Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Yohanes 5:46

Taan sa wutu-wutul percayan iow sapa en aipatic i Musa, tantu percayan iow ka'i Aku, ampa'paan siao e matic andumoro' Yaku.

Kisah Para Rasul 13:33

En janji itu linekep-Nao ai cita ang karapi in tumou sumawel si Yesus am papaté. En itu puté wo si aipatic ang kitap Mazmur karua: ‘Icoo si Toyaang-Ku! Asi endo anio' Yaku imamualio Amang-Mu.’

Kisah Para Rasul 13:40

Ampa'paano in itu, intarépé' kamu musti mareti-reti, wosama' sapa en aicua ang kitap é nabi ra'ica mamuali ai camu.

Kisah Para Rasul 2:27

Ampa'paan ra'ica iwaya i Casuruan aku mento' melala'us ang kakawasaan im papaté, wo ra'ica iwaya i Casuruan en owak i Tou-Na Le'nas mawuruk an untep ing kubur.

Kisah Para Rasul 3:18

Ang karapi i mulur taniitu imamualio en aicua i Amang Kasuruan indior imaké sé nabi, sapaoka si Mesias si ayutus-Na musti mendam ing keli kawenduan.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Ibrani 10:1

En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.

Ibrani 3:5

Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

Ibrani 7:1

Si Melkisedek anio' kolano ang kota Salem wo imam i Amang Kasuruan Si Rumangka-rangka'. An tutuw i Abraham maréngo mai am paperangan icumala sé kolano, si Melkisedek en sumungkul wo ing kumamang isia.

Ibrani 9:8

Ang karapi in atoran itu, aituru'o i Roh Le'nas sapaoka ang kauré ing kamar kataré am bitupé', en lalan pauntepan asi Kamar Lume'na-le'nas ra'ipé' imawuka'.

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”