Lukas 23:9 - En Taar Weru a nunuwu' é Tontemboan

⁹ Wo si Herodes méé keli wuwuéien a si Yesus, taan si Yesus makapeneske'.

Lukas 23:9 Iomraidhean Croise

Matius 27:12

Taan pakasa sé patudu é kikiiten é imam wo sé matu'a é tou Yahudi a si Yesus, ra'ica wana en sinowat-Na.

Matius 27:14

Taan si Yesus makapeneske', Sia ra'ica imasowa-sowat akar si gubernur mangaya-ngaya'ka'.

Matius 7:6

Tioo kamu mengakua in Taar i Amang Kasuruan a sé tou sé ra'ica kiim tumerima, en itu putéke' kamu méé im barang le'nas a si asu kuma'pa mangkil i mutiara a sé wawi. Pakasa en itu ipeléa-léak éra oka wo sumali'si' kumarét icamu.”

Markus 15:5

Taan si Yesus ra'ica sumowat in sapa-sapa, akar si Pilatus mangaya-ngaya'ka'.

Lukas 13:32

Isowat i Yesus ai séra, “Mangém wo icuao mangé a si serigala itu, ‘Asi endo anio' wo woondo yusér-Ku sé roh léwo' wo sumama' sé tou sumakit, taan asi endo katelu, lekepen-Ku waya en tawoien-Ku.’

Lukas 23:10

Ang karoro'an in itu, sé kikiiten é imam wo sé makailek wutul in Torat mangé tumulung an dior wo ra'ica mento' menudu-nudu si ra'ica wutul a si Yesus.

Yohanes 19:9

Wo sia muntep sumawel an istana itu, wo kumua a si Yesus, “Am bisa owo réén Ko mai?” Taan ra'ica wana sapa-sapa en aisowat i Yesus ai sia.

Kisah Para Rasul 8:32

Sé nats binaca i kikiiten itu tana'i, “Sia paalin tanuoka maali si domba mangé pokolen. Sia ka'i asalo i makapenes ra'io rumoma' mai in sapa-sapa tanuoka si ana' i domba pakuntingan im buuk.

1 Petrus 2:23

An tutuw Sia ipawa'ba' é tou, ra'ica kiim-Na sumuli' imawa'ba' iséra. An tutuw Sia pengaokoien, ra'- ica kiim-Na in sumundur. Taan Sia isumarakanke' in owak-Na a si Amang Kasuruan, si Akim si ra'ica marapit.